ខេត្តឧត្តរមានជ័យ ៖ គ្រោះថ្នាក់ចរាចរណ៍មួយបានកើតឡើងរវាងម៉ូតូនឹងរថយន្តបើកបរដោយ បញ្ច្រាសទិសគ្នា យ៉ាងហោចណាស់មនុស្ស៣នាក់ទទួលរងរបួសធ្ងន់ និងស្រាលកាលពីវេលា ម៉ោង២រសៀល ថ្ងៃទី២២ មករា ២០១៨ ដែលស្ថិតនៅតាមបណ្តោយ ផ្លូវជាតិលេខ៦៨B ក្នុងភូមិបន្ទាយចាស់ ឃុំចុងកាល់ ស្រុកចុងកាល់ ខេត្តឧត្តរមានជ័យ។ ជនរងគ្រោះឈ្មោះ សឿង សុផៃ ភេទស្រី អាយុ១៩ឆ្នាំ ជាអ្នកបើកបរម៉ូតូម៉ាកហុងដាឌ្រីម ផលិតឆ្នាំ២០១៥ ពណ៌ខ្មៅពាក់ស្លាកលេខ ឧត្តរមានជ័យ១B.២៦.៦៦ របួសស្រាល អ្នករួមដំណើរឈ្មោះ ភរ ភា ភេទស្រី អាយុ៥០ឆ្នាំ របួសបាក់ជើងខាងស្តាំធ្ងន់ ទាំង២នាក់រស់នៅភូមិឈូក ឃុំក្រសាំង ស្រុកចុងកាល់ ខេត្តឧត្តរមានជ័យ។
ដោយឡែកអ្នកបើកបររថយន្តម៉ាកសាំយ៉ុង ពាក់ស្លាកលេខ ព្រៃវែង ២A-១១៧៥ ឈ្មោះ លន រ៉េត ភេទប្រុស អាយុ៤៦ឆ្នាំ ស្នាក់នៅភូមិស្វាយសាក់ ឃុំពោធិទី ស្រុកស៊ីធរកណ្តាល ខេត្តព្រៃវែង មុខរបររត់តាក់ស៊ី។ សមត្ថកិច្ចក្រោយពីកើតហេតុបានចុះទៅដល់នាំយកអ្នករងរបួសទៅធ្វើការ ស ង្គ្រោះនៅក្នុងមន្ទីរពេទ្យខេត្ត និងធ្វើការវាស់វែង ឃើញថា ម៉ូតូបើកបរដោយមិនគោរពច្បាប់ ទើបកើតហេតុ គ្រោះថ្នាក់ចរាចរណ៍។ តែទោះជាបែបណាម៉ូតូ និងរថយន្ត ត្រូវបានយកទៅរក្សាទុក នៅអធិការស្រុក ចុងកាល់ រង់ចាំធ្វើការដោះស្រាយ៕
ចែករំលែកព័តមាននេះ