ខោក្នុងពិសេសការពារការចាប់រំលោ.ភ ប៉ុណ្ណេះនារីៗគេចផុតហើយ
ឥណ្ឌា ៖ តាមប្រភពព័ត៌មាន Viral4real បានឲ្យដឹងថា សិស្សឥណ្ឌាម្នាក់បង្កើតបានខោក្នុងសម្រាប់ឲ្យស្ត្រីពាក់ការពារការចាប់រំលោភ ដែលមានបំពាក់កាមេរ៉ា និង GPS។ Seenu…
ឥណ្ឌា ៖ តាមប្រភពព័ត៌មាន Viral4real បានឲ្យដឹងថា សិស្សឥណ្ឌាម្នាក់បង្កើតបានខោក្នុងសម្រាប់ឲ្យស្ត្រីពាក់ការពារការចាប់រំលោភ ដែលមានបំពាក់កាមេរ៉ា និង GPS។
Seenu Kumari ដែលកើតនៅក្នុងគ្រួសារក្រីក្រមួយនៅ Farrukhabad រដ្ឋ Uttar Pradesh ប្រទេសឥណ្ឌា បានចំណាយប្រាក់បន្តិចបន្តួចក្នុងការបង្កើតខោក្នុងពិសេសនេះឡើង។ ខោក្នុងពិសេសនេះអាចចាក់សោរមិនឲ្យជនខិលខូចស្រាតខោបាន និងអាចផ្តល់ដំណឹងដល់ប៉ូលិស និងថតមុខរបស់ជនខិលខូចបានថែមទៀតផង។
តាមសម្តីរបស់នាងបានឲ្យដឹងថា ខោនេះមានបំពាក់លេខកូដសម្រាប់ស្រាតខោ ហើយនិងប្រព័ន្ធកំណត់ទីតាំង GPS។ នៅពេលមានគេទាញស្រាតខោទាំងបង្ខំ ខោនោះនឹងទូរស័ព្ទផ្តល់ដំណឹងដល់ប៉ូលិសភ្លាម។ កាមេរ៉ានឹងថតរូប និងសកម្មភាពរបស់ជននោះ ដើម្បីទុកជាភស្តុតាងសម្រាប់ប៉ូលិស។
នាងបានប្រាប់ទៀតថា ស្ត្រីទាំងឡាយមិនចាំបាច់ត្រូវពាក់វារហូតទេ។ គេអាចពាក់វានៅពេលដែលដើរម្នាក់ឯង ឬមានអារម្មណ៍ថា មិនមានសុវត្ថិភាព។
នាពេលនេះ នាងបានស្នើសុំទៅខាងមូលនិធិជាតិសម្រាប់ការបង្កើតថ្មីនៅ Allahabad ដើម្បីទទួលបានប៉ាតង់ សម្រាប់ផលិតលក់ក្នុងទីផ្សារ៕
ចែករំលែកព័តមាននេះ