ប្រទេសចិន ៖ យោងតាមតួលេខរបស់រដ្ឋាភិបាលចិនថា ប្រេងអណ្តែតបណ្តាលមកពីការលិចនាវាដឹកប្រេងអ៊ីរ៉ង់ក្នុងសមុទ្រចិនខាងកើតមានទំហំកាន់តែធំគុណ៣ដង រយៈពេលតែ៤ថ្ងៃ ដោយពេលនេះលាតសន្ធឹងដល់ទំហំជាង៣០០គីឡូម៉ែត្រក្រឡា ។ បណ្តារូបភាពតាមផ្កាយរណបអាចបញ្ជាក់ពីប្រេងអណ្តែត៣កន្លែងមានទំហំសរុប៣៣២គីឡូម៉ែត្រក្រឡា ។ នេះជាការបញ្ជាក់កាលពីយប់ថ្ងៃទី២១…
ប្រទេសចិន ៖ យោងតាមតួលេខរបស់រដ្ឋាភិបាលចិនថា ប្រេងអណ្តែតបណ្តាលមកពីការលិចនាវាដឹកប្រេងអ៊ីរ៉ង់ក្នុងសមុទ្រចិនខាងកើតមានទំហំកាន់តែធំគុណ៣ដង រយៈពេលតែ៤ថ្ងៃ ដោយពេលនេះលាតសន្ធឹងដល់ទំហំជាង៣០០គីឡូម៉ែត្រក្រឡា ។
បណ្តារូបភាពតាមផ្កាយរណបអាចបញ្ជាក់ពីប្រេងអណ្តែត៣កន្លែងមានទំហំសរុប៣៣២គីឡូម៉ែត្រក្រឡា ។ នេះជាការបញ្ជាក់កាលពីយប់ថ្ងៃទី២១ មករា របស់រដ្ឋបាលសមុទ្រជាតិចិនក្នុងសេចក្តីប្រកាសមួយ ។ រដ្ឋបាលនេះកាលពីថ្ងៃទី១៧ មករា រៀបរាប់ពីប្រេងអណ្តែតក្នុងទំហំ១០១គីឡូម៉ែត្រក្រឡា ។
នាវាដឹកប្រេង SANCHI ដែលដឹកប្រេងឆៅ១៣៦.០០០តោនបានលិចកាលពីថ្ងៃទី១៤ មករា ក្រោយពីឆេះរយៈពេល១សប្តាហ៍ បន្ទាប់ពីបុកគ្នាជាមួយនាវាកាហ្គោ១គ្រឿងនៅកន្លែងមួយចម្ងាយប្រមាណ៣០០គីឡូម៉ែត្រ ខាងកើតក្រុងសៀងហៃ ។ នាវិក៣២នាក់ ក្នុងនោះមានជនជាតិអុីរ៉ង់៣០នាក់ និងបង់ក្លាដែស២នាក់ស្លាប់ ក្នុងគ្រោះមហន្តរាយនេះ ។
ក្រៅពីដឹកប្រេងឆៅនាវា SANCHI ដោតទង់ជាតិប៉ាណាម៉ានៅអាចមានប្រេងម៉ាស៊ូតប្រមាណជា១.០០០តោន សម្រាប់ធ្វើនាវាចរណ៍ ។ ប្រេងអណ្តែតរសាត់ឆ្ពោះទៅទិសខាងជើងមកពីខ្យល់ និងចរន្តទឹកសមុទ្រ ដែលអាចគំរាមកំហែងឆ្នេរសមុទ្រកូរ៉េខាងត្បូង និងឆ្នេរសមុទ្រជប៉ុន ៕
ចែករំលែកព័តមាននេះ