រាជធានីភ្នំពេញ ៖ កញ្ញាសេង សូណា ចាត់ទុកភាពសិចស៊ីរបស់នាងនាពេលកន្លងមកថា នៅស្ទើរ ហើយចង់លេងខ្លួនសិចស៊ីជាងនេះទៀត ។
ឈុតសម្លៀកបំពាក់ដែលសេង សូណាគ្រងក្នុងពិធីខួបកំណើតកាលពីរាត្រីថ្ងៃទី២១ មករា ២០១៨ ចំហបង្ហាញសម្រស់គល់ទ្រូងរបស់នាងគាប់ភ្នែកបុរស ។ នារាត្រីនោះសេង សូណាសប្បាយរីករាយណាស់ព្រោះភ្ញៀវជាច្រើនចូលរួម ដោយខ្លះចំណាយពេលវេលាស្កាត់ពីនាយរហូតដល់ផ្ទះរបស់នាងដែលជាកន្លែងប្រារព្ធពិធីខួបកំណើត ។
សេង សូណា ធ្វើពិធីខួបកំណើត តែសុំលាក់អាយុ ។ នាងធ្វើឡើងក្នុងន័យជួបជុំមិត្តភក្តិ បងប្អូន គ្រួសារ ។ ឆ្នាំនេះនាងរៀបចំអញ្ជើញភ្ញៀវប្រមាណពី២០០ទៅ៣០០នាក់ ។
មហាជនយល់ថា សេង សូណា ជាតារាហ៊ានបញ្ចេញភាពសិចស៊ី តែនាងនិយាយថា«បែបនេះនៅស្ទើរ ដោយនាងខ្ញុំមានចិត្តចង់បង្ហាញឱ្យខ្លាំងជាងនេះទៀត ។ មូលហេតុមកពីយល់ថាយើងនៅក្មេង បើចាស់ទៅផុតឱកាស គ្មានអ្នកណាមើលទេ មានតែហួសពេលអ៊ីចឹងមានអ្វីប្លែកធ្វើឱ្យហើយ គ្មានណាមកមកស្ទាបសាច់យើងក្រៅពីប៉ះតែរូបថតប៉ុណ្ណោះ» ។
មួយឈុតចុងក្រោយដែលសេង សូណា បានស្លៀកក្រោយពិធីកាត់នំស្រស់ស្អាតណាស់ដែរ ។ ឈុតខ្មៅចុងក្រោយនេះហាក់ពិសេសជាងឈុតទី២ ព្រោះតែនាងបង្ហាញសម្រស់ដើមទ្រូងឲ្យអ្នកនៅជុំវិញខ្លួនបានឃើញយ៉ាងពេញភ្នែក ។ មួយឈុតនេះកាន់តែធ្វើឲ្យសូណាបន្តគ្រងតំណែងជាតារាសិចស៊ី ខណ:ដែលនាងប្រកាសថាគ្រាន់តែសិចស៊ីនៅក្នុងថ្ងៃពិសេសរបស់ខ្លួន គឺនាងមិនខ្លាចការរិះគន់ទេ ។ មួយឈុតចុងក្រោយជាការចាត់ចែងដោយផ្ទាល់របស់នាង ហើយបើទោះជាមិនមានតម្លៃកប់ពពក តែនាងពេញចិត្តក្នុងការប្រើប្រាស់នៅថ្ងៃពិសេសសម្រាប់ពិធីសប្បាយៗជាមួយភ្ញៀវក្នុងពិធី ។
សេង សូណា ឲ្យដឹងថា កន្លងមកនាងត្រូវផលិតករបរទេសទាក់ទងឱ្យចូលរួមសម្តែងឈុតស្នេហារោលរាលក្នុងសាច់រឿងមួយ ។ នាងនិយាយថា «មិនអន់ចិត្តទេដែលត្រូវខាងបរទេសឱ្យថតសម្តែងបែបរោលរាល មានតែខំប្រឹងឱ្យខ្លាំងជាមុនទៀត ព្រោះទាន់នៅស្អាត ក្មេង បើចាស់ទៅក៏គ្មានអ្នកណាមកមើលយើងដែរ ហើយគេក៏មិនមកប៉ះយើងផ្ទាល់ដែរ បានតែប៉ះតាមរយៈរូបថត» ។
ខួបកំណើតលើកនេះសេង សូណា ឱ្យដឹងថា នាងធ្វើពិធីល្មមទេ ក្នុងបំណងឱ្យរកស៊ីលូតលាស់និងប្រកបដោយសេចក្តីសុខទាំងខ្លួនឯង និងក្នុងគ្រួសារ ៕
ចែករំលែកព័តមាននេះ