តែងតាំងប្រធានមន្ទីរថ្មីនៅខេត្តតាកែវ
- តាកែវ
ខេត្តតាកែវ ៖ លោក ពិត ចំណាន រដ្ឋលេខាធិការក្រសួងអប់រំ យុវជន និងកីឡា បានអញ្ជើញជាគណៈអធិបតីភាពក្នុងពិធីប្រកាសតែងតាំងប្រធានមន្ទីរអប់រំ យុវជន…
ខេត្តតាកែវ ៖ លោក ពិត ចំណាន រដ្ឋលេខាធិការក្រសួងអប់រំ យុវជន និងកីឡា បានអញ្ជើញជាគណៈអធិបតីភាពក្នុងពិធីប្រកាសតែងតាំងប្រធានមន្ទីរអប់រំ យុវជន…
ខេត្តតាកែវ ៖ លោក ពិត ចំណាន រដ្ឋលេខាធិការក្រសួងអប់រំ យុវជន និងកីឡា បានអញ្ជើញជាគណៈអធិបតីភាពក្នុងពិធីប្រកាសតែងតាំងប្រធានមន្ទីរអប់រំ យុវជន និងកីឡា ខេត្តតាកែវថ្មី កាលពីថ្ងៃទី២៣ ខែមករា ឆ្នាំ២០១៨ ដោយមានការចូលរួមពីលោក អ៊ូច ភា អភិបាលរងខេត្ត។
លោក ឡោ វីរិទ្ធ អនុប្រធានមន្ទីរអប់រំយុវជន និងកីឡា ត្រូវបានតែងតាំងជាប្រធានមន្ទីរអប់រំយុវជន និងកីឡាថ្មីជំនួសលោកស៊ីវ សុខន ដែលត្រូវចូលនិវត្តន៍ ។ ការប្រកាស់តែងតាំងនេះ រៀបចំធ្វើឡើង នៅសាលប្រជុំទីចាត់ការផែនការ និងវិនិយោគខេត្តដោយមានការអញ្ជើញចូលរួមពីប្រធាន -អនុប្រធានមន្ទីរ អង្គភាពជុំវិញខេត្តអភិបាល-អភិបាលរងក្រុង- ស្រុក និងមន្ត្រីអប់រំជាច្រើន ។
លោកពិត ចំណាន រដ្ឋលេខាធិការក្រសួងអប់រំយុវជន និងកីឡាមានប្រសាសន៍ផ្តាំផ្ញើដល់លោកប្រធានមន្ទីរថ្មី ត្រូវតែរួមសហការគ្នាឲ្យបានល្អ ក្នុងការកែទម្រង់វិស័យអប់រំឲ្យកាន់តែល្អប្រសើរឡើង ព្រោះវិស័យអប់រំជាវិស័យមួយសម្រាប់បង្ហាត់បង្រៀនដល់កូនចៅរបស់ប្រជាពលរដ្ឋឲ្យយល់ដឹងកាន់តែច្បាស់ អំពីទំលៀមទំលាប់ប្រពៃណី និងព្រះពុទ្ធសាសនាដែលជាសាសនារបស់រដ្ឋ ។
លោករដ្ឋលេខាធិការមានប្រសាសន៍បញ្ជាក់ថា លោកប្រធានមន្ទីរថ្មីត្រូវតែសហការគ្នាចុះតាមដានដល់លោកនាយកសាលាតាមវិទ្យាល័យ ឬបឋមសិក្សា ព្រោះកុំឲ្យស៊ីប្រាក់រដ្ឋ ហើយបែរជាមិនមកបង្រៀន ហើយទៅធ្វើការងារផ្សេង ។ បញ្ហានេះសូមកុំឲ្យមានឲ្យសោះ តែបើខាងក្រសួងដឹង ហើយបែរជាខាងប្រធានមន្ទីរបែរជាមិនដឹងទៅវិញ ក្រសួងនឹងមានវិធានការដល់ប្រធានមន្ទីរជាក់ជាមិនខាន ៕
ចែករំលែកព័តមាននេះ