ពលរដ្ឋបានទទួលផ្ទះទេវតាចំនួន០២ខ្នង
- ពោធិ៍សាត់
ខេត្តពោធិ៍សាត់ ៖ តំណាងលោកជំទាវហ៊ុន ម៉ាណា ប្រធានមូលនិធិបាយ័ន កាលពីថ្ងៃទី២២ ខែមករា លោកស្រី ឌី សុខីទីឃាយុកោ…
ខេត្តពោធិ៍សាត់ ៖ តំណាងលោកជំទាវហ៊ុន ម៉ាណា ប្រធានមូលនិធិបាយ័ន កាលពីថ្ងៃទី២២ ខែមករា លោកស្រី ឌី សុខីទីឃាយុកោ…
ខេត្តពោធិ៍សាត់ ៖ តំណាងលោកជំទាវហ៊ុន ម៉ាណា ប្រធានមូលនិធិបាយ័ន កាលពីថ្ងៃទី២២ ខែមករា លោកស្រី ឌី សុខីទីឃាយុកោ បានដឹកនាំក្រុមការងារនៃកម្មវិធីផ្ទះទេវតារបស់ទូរទស្សន៍បាយ័ន ចុះទៅប្រគល់ផ្ទះទេវតាចំនួន០២ខ្នង ជូនដល់ទុរគតជន និងចាស់ជរាគ្មានទីពឹងនៅស្រុកក្រគរខេត្តពោធិ៍សាត់ ក្នុងឪកាសនោះក៍មានការអញ្ជើញចូលរួមពីលោកម៉ៅ ធនិនអភិបាលនៃគណអភិបាលខេត្តពោធិ៍សាត់និងអាជ្ញាធរមូលដ្ឋានផងដែរ។
លោកស្រីឌី សុខីទីឃាយុកោ បាននាំយកការផ្តាំផ្ញើសាកសួរសុខទុក្ខ ពីសំណាក់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែនប្រធានកាកបាទក្រហមកម្ពុជា ដែលជានិច្ចកាលសម្តេចទាំងទ្វេ តែងតែគិតគូរអំពីសុខទុក្ខចំពោះប្រជាពលរដ្ឋគ្រប់ទីកន្លែង ។
ផ្ទះទេវតាដែលត្រូវប្រគល់ជូននាពេលនេះមានទី១-ផ្ទះលេខ២៦០ ប្រគល់ជូនលោកយាយ ម៉ី សំ អាយុ៧៤ឆ្នាំ និងលោកយាយ សោម យិនអាយុ៧៤ឆ្នាំ រស់នៅភូមិកណ្តាល ឃុំអន្លង់ត្នោត ស្រុកក្រគរ ។ ទី២- ផ្ទះលេខ២៦១ ប្រគល់ជូនលោកយាយ ជឹម សែប អាយុ៧៣ឆ្នាំ រស់នៅភូមិវាលវង្ស ឃុំស្នាអន្សា ស្រុកក្រគរ ។ ផ្ទះទាំង០២ខ្នងខាងលើនេះ ជាអំណោយរបស់លោកជំទាវ ឡៅ គឹមណៃ និងក្រុមគ្រួសារតាមរយៈកម្មវិធីផ្ទះទេវតារបស់ស្ថានីយ៍ទូរទស្សន៍បាយ័នដែលមានលោកជំទាវហ៊ុន ម៉ាណាជាប្រធាន ។
ទុរគតជនដែលទទួលបានផ្ទះនីមួយៗ ក្រោយពីទទួលបានផ្ទះហើយនោះក៏ទទួលបានអំណោយរបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត រួមមានសម្ភារប្រើប្រាស់ក្នុងផ្ទះ គ្រឿងឧបភោគ-បរិភោគជាច្រើនមុខ និងថវិកាមួយចំនួនទៀត។
ចំពោះប្រជាពលរដ្ឋក្នុងភូមិ និងសិស្សានុសិស្ស ដែលមកចូលរួមអបអរសាទរកម្មវិធីផ្ទះទេវតានេះ ក៏ទទួលបានសម្ភារសិក្សា ទឹកដោះគោកូនក្មេង នំកញ្ចប់ និងថវិកាមួយចំនួនផងដែរ ។ ដោយឡែកទុរគតជនចំនួន០២គ្រួសារផ្សេងទៀត រស់នៅក្នុងភូមិវាលវង្ស ឃុំស្នាអន្សា ស្រុកក្រគរ ដែលកំពុងមានជីវភាពខ្វះខាតដែរនោះ ក៏ទទួលបានក្នុងមួយគ្រួសារ អង្ករ១០០គីឡូក្រាម កន្ទេល ពូក មុង ភួយ ខ្នើយ ចាន ឆ្នាំង មី៥កេះ ទឹកដោះគោ២កេះធំ ទឹកស៊ីអ៊ីវ៣យួរ វិទ្យុ១គ្រឿង ថវិកា៥០ម៉ឺនរៀល ព្រមទាំងសម្ភារប្រើប្រាស់មួយចំនួនធំទៀត ៕
ចែករំលែកព័តមាននេះ