មុននេះបន្តិចមានកម្មករសន្លប់ទៀតហើយ(មានវីដេអូ)
- កោះកុង
ខេត្តកោះកុង ៖ តាមសេចក្តីរាយការណ៍បឋមបានឲ្យដឹងថា ខណៈពេលព្រឹកនេះថ្ងៃទី២៣ ខែ មករា មានកម្មកររោងចក្រកាត់ដេរ KKN3 នៅក្នុងតំបន់សេដ្ឋកិច្ច ខេត្តកោះកុង…
ខេត្តកោះកុង ៖ តាមសេចក្តីរាយការណ៍បឋមបានឲ្យដឹងថា ខណៈពេលព្រឹកនេះថ្ងៃទី២៣ ខែ មករា មានកម្មកររោងចក្រកាត់ដេរ KKN3 នៅក្នុងតំបន់សេដ្ឋកិច្ច ខេត្តកោះកុង ដែលកម្មករ ដួលសន្លប់ជាច្រើននាក់ ។ 
តាមការបញ្ជាក់របស់កម្មករថា ដំបូងមានធំក្លិនដូចជាប្រេងម៉ាស៊ីនចាស់ដែលគេបង្ហូរចោល បណ្តាលឲ្យកម្មករមានអាការៈក្អួតចង្អោរ និងដួលសន្លប់បន្តបន្ទាប់ និងមានចំនួនកើនឡើងប្រមាណជាង៦៥នាក់ ហើយភាគច្រើនជានារី តែនៅមានឡានដឹកមកបន្តទៀត មិនឈប់ ។
តាមសេចក្តីរាយការណ៍បានបន្តថា រហូតដល់ល្ងាចនេះកម្មករដែលដួលសន្លប់មានរហូតដល់ទៅ ១៣៣នាក់ ពេលនេះកំពុងព្យូរសេរ៉ូមនៅមន្ទីរពេទ្យនៅឡើយ ។
លោក ទៅ ម៉ឹង ប្រធានមន្ទីរសុខាភិបាលខេត្តបញ្ជាក់ថា អាការៈដួលសន្លប់នេះ ដោយសារតែការពុលក្លិនអាក្រក់ផ្តើមចេញទើបមានការក្អួតចង្អោរ អស់កម្លាំង និងដួលសន្លប់តែម្តង ។ ពេលនេះក្រុមគ្រូពេទ្យបានបញ្ចូលសេរ៉ូមគ្រប់គ្នា និងសម្រាកដើម្បីសម្រួលដង្ហើមនៅក្នុងទីដែលមានខ្យល់អាកាសគ្រប់គ្រាន់ ៕
ចែករំលែកព័តមាននេះ