ខេត្តសៀមរាប ៖ កម្មករសំណង់ម្នាក់ចេញពីធ្វើការសំណង់ក្នុងក្រុងសៀមរាប ជិះម៉ូតូលឿនដូចហោះ មិនប្រយ័ត្ន មកដល់ចំណុចកើតហេតុ វាក់នឹងរថយន្តមកពីមុខជាន់ហ្វ្រាំងមិនជាប់ ក៏បោកទៅម្ខាងប៉ះ នឹងគល់ឈើបណ្ដាលឱ្យសន្លប់ស្ដូកស្តឹង រងរបួសធ្ងន់ត្រង់ក្បាល…
ខេត្តសៀមរាប ៖ កម្មករសំណង់ម្នាក់ចេញពីធ្វើការសំណង់ក្នុងក្រុងសៀមរាប ជិះម៉ូតូលឿនដូចហោះ មិនប្រយ័ត្ន មកដល់ចំណុចកើតហេតុ វាក់នឹងរថយន្តមកពីមុខជាន់ហ្វ្រាំងមិនជាប់ ក៏បោកទៅម្ខាងប៉ះ នឹងគល់ឈើបណ្ដាលឱ្យសន្លប់ស្ដូកស្តឹង រងរបួសធ្ងន់ត្រង់ក្បាល បង្កឱ្យមានការភ្ញាក់ផ្អើលកកស្ទះ ចរាចរណ៍ពេញដងផ្លូវជាតិលេខ៦ មួយសន្ទុះទម្រាំសមត្ថកិច្ចចរាចរណ៍មកដល់ រួចហៅរថយន្ត សង្គ្រោះបន្ទាន់មកដឹកយកទៅសង្គ្រោះភ្លាមៗផងដែរ។ ហេតុការគ្រោះថ្នាក់ចរាចរណ៍ខ្លួនឯង នោះបានកើតឡើងនៅវេលាម៉ោង៥ និង២០នាទីល្ងាច ថ្ងៃទី២១ ខែមករា ឆ្នាំ២០១៨ ត្រង់ចំណុច មុខវិទ្យាល័យ ហ៊ុនសែន ប្រាសាទបាគង ក្នុងភូមិដូនទាវ ឃុំរលួស ស្រុកប្រាសាទបាគង ខេត្តសៀមរាប។
បើតាមប្រភពពីសមត្ថកិច្ចសណ្តាប់ធ្នាប់ចរាចរណ៍ស្រុកបានឱ្យដឹងថា មុនពេលកើតហេតុ ជនរងគ្រោះបានជិះម៉ូតូម៉ាក ហុងដាឌ្រីមសេ១២៥ ស៊េរីឆ្នាំ២០០៨ ពណ៌ខ្មៅ ពាក់ស្លាកលេខ សៀមរាប ១H.០៨៨៦ ចេញពីធ្វើការសំណង់នៅក្នុងក្រុងសៀមរាបហើយត្រឡប់មកផ្ទះវិញ ក្នុងទិសដៅពីលិចទៅកើត ក្នុងល្បឿនលឿន មកដល់ចំណុចកើតហេតុបានវាក់នឹងរថយន្ដ មកពីមុខ ក៏ជាន់ហ្វ្រាំងជ្រុល បណ្ដាលឱ្យដួលបោកក្បាលទៅនឹងគល់ឈើរងរបួសធ្ងន់។
ប្រភពបានបន្តថា ជនរងគ្រោះឈ្មោះ ឈុប ថ្លៃ ភេទប្រុស អាយុ៤៣ឆ្នាំ រស់នៅក្នុងភូមិដូនទាវ ឃុំរលួស ស្រុកប្រាសាទបាគង ខេត្តសៀមរាប ខណៈនោះសមត្ថកិច្ចបានហៅរថយន្ដសាម៉ុយ ដឹកយកទៅសង្គ្រោះនៅមន្ទីរពេទ្យគ្លីនិកឯកជនយីហោ ស៊ឹង រិទ្ធីរ៉េត២ ផងដែរ។ បច្ចប្បន្នជនរងគ្រោះ កំពុងសម្រាកនៅក្នុងមន្ទីពេទ្យគ្លីនិកឯកជនយីហោ ស៊ឹង រិទ្ធីរ៉េត២ ចំណែកម៉ូតូជនរងគ្រោះ ត្រូវបានសមត្ថកិច្ចយកម៉ូតូទៅរក្សាទុកនៅអធិការដ្ឋាននគរបាលស្រុកប្រាសាទបាគង ខេត្តសៀមរា
ចែករំលែកព័តមាននេះ