ស្លា.ប់ទៀតហើយ គ្រោះថ្នាក់ចរាចរណ៍លើកំណាត់ផ្លូវជាតិលេខ៣
- កំពត
ខេត្តកំពត ៖ មានករណីគ្រោះថ្នាក់ចារាចរដ៏រន្ធត់មួយកាលពីវេលាម៉ោង៦ និង៤៥នាទីល្ងាច ថ្ងៃ៥កើត ខែមាឃ ឆ្នាំរកាន នព្វស័ក ព.ស២៥៦១ ត្រូវនឹងថ្ងៃទី២១…
ខេត្តកំពត ៖ មានករណីគ្រោះថ្នាក់ចារាចរដ៏រន្ធត់មួយកាលពីវេលាម៉ោង៦ និង៤៥នាទីល្ងាច ថ្ងៃ៥កើត ខែមាឃ ឆ្នាំរកាន នព្វស័ក ព.ស២៥៦១ ត្រូវនឹងថ្ងៃទី២១ ខែមករា ឆ្នាំ២០១៨ ដែលបង្កឡើងដោយរថយន្តកាមរីបាឡែនមួយគ្រឿងពណ៌ស្ករ ពាក់ស្លាកលេខ ភ្នំពេញ 2AD-1158 ក្នុងទិសដៅបញ្ចាសគ្នា ហើយអ្នកបើកបររថយន្តបង្កបានគេចខ្លួនបាត់ បន្សល់ទុករថយន្តនៅកន្លែង កើតហេតុ។ សាក្សីនៅកន្លែងកើតហេតុបានឲ្យដឹងថា មុនពេលកើតហេតុគេឃើញម៉ូតូម៉ាកស្មាស់ ក្បាលពណ៌សលាយខ្មៅ មិនចាំស្លាកលេខ ជិះឌុបគ្នាបីនាក់ទាំងអ្នកបើកបរក្នុងនោះមានស្រីម្នាក់ផង ក្នុងទិសដៅពីជើងទៅត្បូង។
លុះមកដល់ចំណុចកើតហេតុ មុខរោងចក្រដេរបាល់ ក្នុងភូមិអណ្តូងខ្មែរ សង្កាត់អណ្តូងខ្មែរ ក្រុងកំពត ខេត្តកំពត ក៏ស្រាប់តែឃើញរថយន្តម៉ាកកាមរីបាឡែនមួយគ្រឿង បើកបរយ៉ាងលឿនមកពីត្បូងទៅជើង មិនដឹងជាមូលហេតុអ្វីក៏បានរេចង្កូតមកខាងស្តាំដៃខាងម៉ូតូ រួចបុកម៉ូតូទាំងកំរោលបណ្តាលឲ្យមនុស្សប្រុស ស្រីជិះលើម៉ូតូបីនាក់ខ្ទាតចេញពីម៉ូតូរដូករណែល នៅលើថ្នល់ ស្លាប់ម្នាក់ និងរងរបូសធ្ងន់២នាក់ ក្នុងនោះមានស្រីម្នាក់។ ប្រភពព័ត៌មានបានឲ្យដឹងថា ជនរងគ្រោះទាំងបីនាក់ជាជនជាតិខ្មែរឥស្លាមរស់នៅភូមិតាដឹប សង្កាត់អណ្តូងខ្មែរ ក្រុងកំពត។
សមត្ថកិច្ចនគរបាលចរាចរណ៍ក្រុងកំពតបានឲ្យដឹងថា ជនរងគ្រោះប្រុស២នាក់ម្នាក់ ត្រូវបានសាច់ញាតិដឹកតាមម៉ូតូទៅសង្គ្រោះនៅមន្ទីរពេទ្យខេត្ត ដោយសារតែរថយន្តមន្ទីរពេទ្យ មានការយឺតយ៉ាវពេក។ រីឯម្នាក់ទៀតជាស្ត្រី ត្រូវបានរថយន្តសាមុយមន្ទីរពេទ្យបង្អែកខេត្តដឹកទៅសង្គ្រោះ ជាបន្តបន្ទាប់ផងដែរ។ ចំណែកសាកសពសមត្ថកិច្ចកំពុងស្រាវជ្រាវរកសាច់ញាតិ និងក្រុមគ្រួសារឲ្យ ទទួលយកទៅធ្វើបុណ្យតាមប្រពៃណី។ ចំណែករថយន្តបង្ក និងម៉ូតូរងគ្រោះ ក្រោយពីធ្វើការវាស់វែងរួច សមត្ថកិច្ចបាននាំយកទៅរក្សាទុកនៅអធិការដ្ឋាននគរបាលក្រុងរង់ចាំស្រាវជ្រាវរកម្ចាស់រថយន្តបង្កចូលមកដោះស្រាយតាមផ្លូវច្បាប់ជាមួយគ្រួសារជនរងគ្រោះនៅពេលក្រោយ៕
ចែករំលែកព័តមាននេះ