រាជធានីភ្នំពេញ ៖ តារាចម្រៀងឆៃលីដាឡែន បានបង្ហាញរូបក្មេងតូចនៅលើហ្វេសប៊ុករបស់នាង ធ្វើឱ្យគេសង្ស័យថានាងទើបតែសម្រាលកូនលើកដំបូង ។ អ្នកជិតដិតរបស់ឆៃលី ដាឡែន យល់ថានោះជារឿងបំភ័ន្តភ្នែក ព្រោះនាងមិនទាន់មានកូនទេ…
រាជធានីភ្នំពេញ ៖ តារាចម្រៀងឆៃលីដាឡែន បានបង្ហាញរូបក្មេងតូចនៅលើហ្វេសប៊ុករបស់នាង ធ្វើឱ្យគេសង្ស័យថានាងទើបតែសម្រាលកូនលើកដំបូង ។
អ្នកជិតដិតរបស់ឆៃលី ដាឡែន យល់ថានោះជារឿងបំភ័ន្តភ្នែក ព្រោះនាងមិនទាន់មានកូនទេ គឺតែងតែច្រៀងរាំជាមួយក្រុមនាងយ៉ាងមមាញឹកនាពេលបច្ចុប្បន្ន ។ ដាឡែនមិនបានបាត់មុខទៅណារាប់ខែ លាក់បាំងការមានផ្ទៃពោះទេ គឺនាងចេញមុខរហូត ។ ប្លែកតែម្យ៉ាងគឺនាងធាត់ តែមិនប្រាកដថាមានកូនទេ ។ មិនជឿថា ដាឡែនមានកូនដែលជាតំណក់ឈាមជាមួយស្វាមីទេ ដោយសារតែគេមិនធ្លាប់ឃើញមានដំណឹងថាតារារូបនេះពពោះពីមុនមក ។
ដោយឡែកអ្នកនាងតូច ស្រីពេជ្រ ដែលជាតារាសម្ដែងជើងចាស់ និងត្រូវគេស្គាល់ថាជាមិត្តភក្តិបេះមិនដាច់របស់អ្នកនាងឆៃលី ដាឡែន បានបញ្ជាក់ថាពេលដាឡែន ពពោះមានអ្នកសិល្បៈជិតស្និទ្ធដឹងជាយូរមកហើយ ប៉ុន្តែដោយសារតែក្នុងពេលនោះនាងជាប់កិច្ចសន្យាថតរឿងឲ្យផលិតកម្ម ធំៗជាច្រើនព្រមគ្នា ហើយភ័យខ្លាចម្ចាស់ផលិតកម្មដឹងថានាងមានកូននាំឲ្យប៉ះពាល់ការសម្តែងកណ្ដាលទីទើបនាងស្នើឲ្យលាក់បាំង ។
អ្នកនាងតូច ស្រីពេជ្រ បញ្ជាក់ថា «អ្នកនាងឆៃលី ដាឡែន អត់មានលាក់បាំងជុំវិញដំណឹងពពោះ និងរឿងសម្រាលកូននោះទេ ប៉ុន្តែមកពីអ្នកនាងពពោះកូនដំបូងមិនសូវមានអ្នកមើលដឹងផង ហើយអ្នកនាងក៏ចង់លាក់បាំងដើម្បីកុំឲ្យផលិតកម្មដែលទទួលនាងថតស្រងាកចិត្ត ឬឈានដល់កាត់ប្លង់នាងចោលបណ្ដាលឲ្យប៉ះពាល់ប្រាក់ចំណូលផង ទើបអ្នកនាងឆៃលី ដាឡែន មិនទម្លាយឲ្យដឹង ។
រឿងអាឡែនមានកូនហ្នឹង ខ្ញុំហ៊ានធានាយកអ្វីមកស្បថក៏បាន កូនវាមែន ព្រោះរឿងវាពពោះ និងមានកូនហ្នឹង មានតែគ្រួសារវា និងខ្ញុំដែលរាប់អានគាត់១៨ឆ្នាំទេដែលដឹងច្បាស់ បើក្រៅពីហ្នឹងគេស្មានតែវាធាត់ប៉ុណ្ណោះ ហើយវាសម្រាលកូនក្រោយខ្ញុំឡើងមកលេងនៅអាមេរិកតែប៉ុន្មានអាទិត្យប៉ុណ្ណោះ ខ្ញុំហ៊ានធានាថាកូននឹងកូនវា អត់មានកូនសុំអ្នកណាទេ» ។
កន្លងមកឆៃលី ដាឡែន បន់ស្រន់វត្ថុសក្តិសិទ្ធិឱ្យមានកូន ហើយពេលនេះបានសម្រេចបំណងហើយ ៕
ចែករំលែកព័តមាននេះ