រាជធានីភ្នំពេញ ៖ ថៅកែផលិតកម្មBKS លោកឈុន សុវណ្ណភក្តី មានភាពស្និទ្ធស្នាលគ្នាខ្លាំងជាមួយនាយចឺម រហូតលេចលឺថាស្រឡាញ់ភេទដូចគ្នា ហើយធ្វើឱ្យប្រពន្ធលោកសុវណ្ណភក្តី អន់ចិត្ត ក៏សម្រេចលែងលះគ្នាតែម្តង ។
ព័ត៌មានផ្សាយនាពេល ថ្មីៗកន្លងមកថារឿងរ៉ាវប្តីប្រពន្ធមួយគូនេះបានរង្គោះរង្គើយូរមកហើយ ។ ក្រោយរៀបការលោកឈុន សុវណ្ណភក្តី មានកូន១ ហើយពេលបែកបាក់គ្នាត្រូវអតីតភរិយាយកចិញ្ចឹម ។ រឿងរ៉ាវបានខ្ចរខ្ចាយឡើងពេលនាយចឺម និងលោកសុវណ្ណភក្តីជិតដិតគ្នាខ្លាំងរហូតទៅណាមកណាជាមួយគ្នារួមទាំងទៅប្រទេសថៃ ។ អ្នកទាំង២បានចូលហ៊ុនបើកហាងផឹកសុីរួមគ្នានៅផ្សារកុងតឺន័រម្តុំទួលសង្កែទៀតផង ។
លោកឈុន សុវណ្ណភក្តី ថ្មីៗកន្លងមកសារភាពថា ចំណងប្ដីប្រពន្ធរបស់លោកពិតជាបានដាច់ស្រេចគ្នាដូចអ្វីដែលបានលើកឡើងមែន តែលោកបញ្ជាក់ថា នាយចឺម មិនមែនជាមូលហេតុនៃជម្លោះទេ ។ លោកថារវាងលោក និងភរិយា គឺអត់ចុះសម្រុងគ្នា ហើយលោកក៏មិនអាចទម្លាយពីរឿងរ៉ាវផ្ទៃក្នុងនោះ ជាសាធារណ:បានទេ ។ ចំពោះការលេចឮថា ការបែកបាក់រវាងលោក និងភរិយា ដោយសារភរិយាប្រចណ្ឌនឹងនាយចឺម គឺប្រាសចាកការណ៍ពិតទាំងស្រុង ។
លោកឈុន សុវណ្ណភក្តី និយាយថា«ការផ្សាយបែបនោះស្មើនឹងធ្វើឲ្យស្អុយឈ្មោះ ថាខ្ញុំនិងនាយចឺមស្រឡាញ់ភេទដូចគ្នា ខណៈដែលអតីតភរិយារបស់ខ្ញុំបានដឹងយ៉ាងច្បាស់ថា នាយចឺមមិនមែនជាមូលហេតុទេ ហើយរវាងខ្ញុំ និងនាយចឺម គឺស្រលាញ់រាប់អានគ្នាជាបងប្អូន ដោយអត់មានការទាក់ទងជារបៀបស្រឡាញ់ភេទដូចគ្នានោះទេ ។ រវាងខ្ញុំ និងនាយចឺម អត់មានអ្នកណាអាចទៅជាដូចការលើកឡើងបានទេ។ ចំពោះការលែងលះគ្នាដល់តុលាការ ហើយបន្សល់ទុកកូនប្រុស១ស្រី១នោះ អត់ពាក់ព័ន្ធជាមួយការប្រចណ្ឌនាយចឺម សូម្បីតែប៉ុនក្រចកដៃ ។ អ្នកនាងម៉ែន ចេតនីត អតីតភរិយារបស់ខ្ញុំស្គាល់ចរិតរបស់ខ្ញុំច្បាស់ណាស់ ហើយគ្រួសារខាងស្រីក៏អត់សប្បាយចិត្តដែរ ដែលមានព័ត៌មានថាខ្ញុំ និងភរិយា បែកគ្នា ដោយសារប្រចណ្ឌខ្ញុំ និងប្រុស» ។
បន្ទាប់ពីសារព័ត៌មានបានចុះផ្សាយពីរឿងថានាយចឺមស្រឡាញ់ភេទដូចគ្នា ហើយមានការចែករំលែកតគ្នា បានធ្វើឱ្យអតីតភរិយារបស់លោកឈុន សុវណ្ណភក្តី បញ្ចេញប្រតិកម្មភ្លាម។ នាងថាការសង្ស័យថានាងប្រចណ្ឌអតីតស្វាមីជាមួួយនាយចឺមគឺខុសទាំងស្រុង ។ នាងបញ្ជាក់ថា «វាមិនដែលខ្ញុំឆ្កួតប្រចណ្ឌមនុស្សប្រុសដូចគ្នានោះទេ »។
យោងតាមហ្វេសប៊ុកឈ្មោះ «Norng Ray» របស់អតីតភរិយាលោកឈុន សុវណ្ណភក្តី បញ្ចេញប្រតិកម្មថា «វាមិនដែលខ្ញុំឆ្កួតប្រច័ណ្ឌមនុស្សប្រុសដូចគ្នានោះទេ សំខាន់ចរិតប្តីខ្ញុំវាល្អពេក បានមួយចប់ ហើយចង់ផ្តាំទៅអ្នកសារព័ត៌មានថា មុននឹងចុះសូមមកសួរនាងខ្ញុំឲ្យច្បាស់សិន កុំចេះតែចុះតាមគ្នា ហើយបញ្ជាក់មិនមែន លោក ឈុន សុវណ្ណភក្តី លែងនាងខ្ញុំទេ នាងខ្ញុំអ្នកប្តឹងសុំលែង បើសិនជាជឿថាខ្ញុំលែងដោយសារអាចឺម មានតែមនុស្សវាល្ងង់ ។ វាមិនមែនខ្ញុំសុខចិត្តដើរចេញឲ្យកូនខ្ញុំ តូចៗទាំង២ អត់ឪហៅដោយសារ អាចឺម ត្រឹមតារាកំប្លែងនោះទេ ។ បងប្អូនមិនដឹងថាតំណក់ឈាមប៉ុន្មាននាក់ផង និយាយធ្វើអី មិនមែនតំណក់ឈាម១នាក់ទេ ២នាក់ ។ លែងតាំងពីកូនប្រុសពៅខ្ញុំបាន៣ខែក្នុងពោះ ។ បើមិនច្បាស់អាចមកសួរនាងខ្ញុំបាន បើដឹងមិនច្បាស់ លែងលះដាច់ស្រេចតាំងពីខែ១០ លុយអាហារកិច្ចសម្រាប់កូនក៏គ្មាន១រយខ្មែរ ហើយទើបមកផ្អើលអីឥឡូវហ្នឹង…» ៕
ចែករំលែកព័តមាននេះ