ខេត្តកំពត ៖ កម្លាំងអន្តរាគមន៍ឈុតខ្មៅ នៃស្នងការដ្ឋាននគរបាលខេត្ត ដឹកនាំដោយលោកវរសេនីយ៍ទោ លក ញ៉ាវ នាយការិយាល័យព្រហ្មទណ្ឌកម្រិតស្រាលស្នងការដ្ឋានខេត្ត ដោយទទួលបញ្ជាពីលោកឧត្តមសេនីយ៍ទោស្នងការខេត្ត និងសម្រួលនីតិវិធីពីលោក ឯក ឆេងហ៊ួត ព្រះរាជអាជ្ញាអមសាលាដំបូងខេត្ត បានដឹកនាំកម្លាំងចុះបង្ក្រាបវង់ល្បែងសង្វៀនជល់មាន់មួយកន្លែង កាលពីវេលាម៉ោង១៥និង00នាទី ថ្ងៃទី២១ ខែមករា ឆ្នាំ២០១៨ នៅភូមិកោះស្លា ឃុំត្រពាំងភ្លាំង ស្រុកឈូក ខេត្តកំពត ។
លោកវរសេនីយ៍ទោ លក ញ៉ាវ បានឲ្យដឹងថា ក្នុងករណីចុះបង្ក្រាបវង់ល្បែងជល់មាន់ខាងលើកម្លាំងសមត្ថកិច្ចយើងបានឃាត់ខ្លួនជនសង្ស័យដែលញៀនល្បែងជល់មាន់ខាងលើបានចំនួន៣នាក់ មាន់ជល់ចំនួន៤ក្បាល និងម៉ូតូចំនួន១៥គ្រឿងផងដែរ ។
លោកបានបន្តទៀតថា ជនសង្ស័យទាំង៣នាក់ដែលសមត្ថកិច្ចឃាត់ខ្លួនមាន ទី១.ឈ្មោះ កែន អាន ភេទប្រុស អាយុ៥៧ឆ្នាំ នៅភូមិស្រកានាគ ឃុំតាកែន ស្រុកឈូកខេត្តកំពត ។ ទី២.ឈ្មោះ កឹម អ៊ីម ភេទប្រុស អាយុ៥៧ឆ្នាំ នៅភូមិស្រែលាវ ឃុំត្រពាំងភ្លាំង ស្រុកឈូក ខេត្តកំពត ។ ទី៣.ឈ្មោះ ឆឹង ខ្នែន ភេទប្រុស អាយុ៥០ឆ្នាំ នៅភូមិត្រពាំងរុន ឃុំតាកែន ស្រុកឈូក ខេត្តកំពត ។
ជនសង្ស័យ និងវត្ថុតាង សមត្ថកិច្ចបាននាំមកកាន់ការិយាលយ័ព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្ត ដើម្បីធ្វើការសាកសួរ និងកសាងសំណុំរឿងបញ្ជូនទៅតុលាការចាត់ការតាមនីតិវិធី ៕
ចែករំលែកព័តមាននេះ