ខេត្តកណ្ដាល ៖ បុរសម្នាក់បានដើរមកសុំព្រះសង្ឃស្នាក់នៅបានមួយយប់ លុះព្រឹកឡើងម៉ោងជាង០៥ព្រឹក ថ្ងៃទី២១ ខែមករា ឆ្នាំ២០១៨ យាយជីប្រទះឃើញស្លាប់ដោយក្អួតឈាមនៅក្នុងសាលាបុណ្យ ក្នុងវត្តព្រែកក្តាម ឃុំកោះចិន…
ខេត្តកណ្ដាល ៖ បុរសម្នាក់បានដើរមកសុំព្រះសង្ឃស្នាក់នៅបានមួយយប់ លុះព្រឹកឡើងម៉ោងជាង០៥ព្រឹក ថ្ងៃទី២១ ខែមករា ឆ្នាំ២០១៨ យាយជីប្រទះឃើញស្លាប់ដោយក្អួតឈាមនៅក្នុងសាលាបុណ្យ ក្នុងវត្តព្រែកក្តាម ឃុំកោះចិន ស្រុកពញាឮ ខេត្តកណ្ដាល ។
មន្ត្រីនគរបាលស្រុកពញាឮ បានឱ្យដឹងថា ជនរងគ្រោះមិនស្គាល់អត្តសញ្ញាណទេ ភេទប្រុស អាយុប្រហែល៤២ឆ្នាំ ជនជាតិខ្មែរ មានកំពស់១.៦៨ម៉ែត្រ សម្បុរសណ្តែកបាយ និងមានស្នាមសាក់នៅលើដើមទ្រូង៣កន្លែង ។
នគរបាលបានឱ្យដឹងបន្ថែមថា នៅវេលាម៉ោង០៦ល្ងាច ថ្ងៃទី២០ ខែមករា ជនរងគ្រោះបានចូលមកក្នុងវត្តដើម្បីសុំព្រះសង្ឃស្នាក់នៅ ។ ពេលនោះព្រះសង្ឃក៏ឲ្យសម្រាកនៅក្នុងសាលាបុណ្យដោយឃើញជនរងគ្រោះមានភាពរញីរញ័រផង បានយកសំពត់ងូតសណ្តប់ ហើយក៏និមន្តចូលទៅសឹងបាត់ទៅ ។
លុះដល់ម៉ោងប្រហែល០៥ព្រឹក ថ្ងៃទី២០ ខែមករា លោកយាយម្នាក់បានមកបោសសំអាតសាលាបុណ្យស្រាប់តែឃើញជនរងគ្រោះក្អួតឈាមដេកស្លាប់ ។ ពេលនោះបានទៅប្រាប់ព្រះសង្ឃ ក៏រាយការណ៍មកនគរបាល ។ បន្ទាប់មកនគរបាលផ្នែកជំនាញ និងប៉ុស្តិ៍បានចុះមកកន្លែងកើតហេតុ ដោយមានការចូលរួមពីមន្ត្រីជំនាញចូលរួមមាន លោកមេឃុំ គ្រូពេទ្យ មេភូមិ ពិនិត្យនៅលើខ្លួនសព ឃើញថា ជនរងគ្រោះពិតជាដេកស្លាប់ពិតប្រាកដមែន តាមការសន្និដ្ឋានរបស់គ្រូពេទ្យថា ជនរងគ្រោះស្លាប់ដោយសារធ្លាយក្រពះ បណ្ដាលឱ្យក្អួតឈាម ។
បន្ទាប់មកបានធ្វើកំណត់ហេតុ ប្រគល់សពជូនអាជ្ញាធរដែនដី និងគណៈកម្មការវត្តដើម្បីរកកន្លែងបញ្ចុះ និងស្វែងរកក្រុមគ្រួសារ និងសាច់ញាតិ ៕
ចែករំលែកព័តមាននេះ