ខេត្តបន្ទាយមានជ័យ ៖ ប្រហិតខូចគុណភាព និងជាតិគ្លយកូស្ស៊ីរ៉ូ រួមទាំងទំនិញគេចពន្ធមួយចំនួនដែលដឹកតាមរថយន្តក្រុមហ៊ុនដឹកអ្នកដំណើរ ត្រូវបានកម្លាំងនគរបាលប្រឆាំងបទល្មើសសេដ្ឋកិច្ច ធ្វើការស្ទាក់ចាប់ឃាត់នៅវេលាម៉ោង៩និង១១នាទីយប់នៅថ្ងៃទី២១ ខែមករានៅលើផ្លូវជាតិលេខ៥ ចំណុច ភូមិក្បាលស្ពាន…
ខេត្តបន្ទាយមានជ័យ ៖ ប្រហិតខូចគុណភាព និងជាតិគ្លយកូស្ស៊ីរ៉ូ រួមទាំងទំនិញគេចពន្ធមួយចំនួនដែលដឹកតាមរថយន្តក្រុមហ៊ុនដឹកអ្នកដំណើរ ត្រូវបានកម្លាំងនគរបាលប្រឆាំងបទល្មើសសេដ្ឋកិច្ច ធ្វើការស្ទាក់ចាប់ឃាត់នៅវេលាម៉ោង៩និង១១នាទីយប់នៅថ្ងៃទី២១ ខែមករានៅលើផ្លូវជាតិលេខ៥ ចំណុច ភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ ។
នៅថ្ងៃទី២២ ខែមករានេះបានបង្កើតគណៈកម្មាធិការចុះមានស្ថាប័នអយ្យការ សាលាដំបូងខេត្ត កម្លាំងនគរបាលប្រឆាំងបទល្មើសសេដ្ឋកិច្ចខេត្ត និងសាខាកាំកុងត្រូលខេត្ត ដើម្បីធ្វើការត្រួតពិនិត្យ ។
លោកឧត្តមសេនីយ៍ត្រីចាប សុផាប្ញទ្ធិ ស្នងការរងទទួលផែនប្រឆាំងបទល្មើសសេដ្ឋកិច្ចបានឲ្យដឹងថាដោយអនុវត្តបទបញ្ជាលោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ តែងបានណែនាំដល់ការិយាល័យជំនាញនគរបាលប្រឆាំងបទល្មើសសេដ្ឋកិច្ច ត្រូវមានវិធានការទប់ស្កាត់បទល្មើសឆ្លងដែនខុសច្បាប់ និងទំនិញខូចគុណភាពនាំចូលមកពីប្រទេសជិតខាង ។
ជាលទ្ធផលនៅវេលាម៉ោង៩និង១១នាទីយប់ថ្ងៃទី២១ ខែមករា នៅលើផ្លូវជាតិលេខ៥ ចំណុចភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ កម្លាំងជំនាញការិយាល័យនគរបាលប្រឆាំងបទល្មើសសេដ្ឋកិច្ច បានធ្វើស្ទាក់ចាប់រថយន្តដឹកអ្នកដំណើររបស់ក្រុមហ៊ុនមួយ ពណ៌ខៀវ ស្លាកលេខភ្នំពេញ៣C-៨៨១១ មួយគ្រឿង ដោយសង្ស័យដឹកទំនិញគេច និងទំនិញខុសច្បាប់ ។
ហើយនៅថ្ង្ងៃទី២២ ខែមករានេះ យើងបានបង្កើតគណៈកម្មាធិការចំរុះមានស្ថាប័នអយ្យការ សាលាដំបូងខេត្ត កម្លាំងនគរបាលប្រឆាំងបទល្មើសសេដ្ឋកិច្ចខេត្ត និងសាខាកាំកុងត្រូលខេត្ត ដើម្បីធ្វើការត្រួតពិនិត្យ ក្នុងនោះរកឃើញ មានប្រហិតសាច់មាន់ខូចគុណភាព និងការទុកដាក់វេចខ្ចប់ខុសលក្ខណៈបច្ចេកទេស ចំនួន៥៥ការុង ទម្ងន់១.៧៦០ គ.ក្រ ធុងពណ៌ផ្ទុកជាតិគ្លុយកូស្ស៊ីរ៉ូ ចំនួន១៥០ធុង និងទំនិញសង្ស័យគេចពន្ធបាយក្តាំង នាំចូលមកពីប្រទេសថៃ ជាច្រើនកេស និងសម្លៀបំពាក់ច្រកក្នុងការុងមួយចំនួនទៀត ។
លោកឧត្តមសេនីយ៍ស្នងការរងបានបញ្ជាក់ថា ចំពោះប្រហិតខូចគុណភាពទាំង១.៧៦០គ.ក្រ ត្រូវបានសម្រេចយកទៅធ្វើការដុតបំផ្លាញ ចំពោះជាតិគ្លុយកូស្ស៊ីរ៉ូ ចំនួន១៥០ធុង រក្សាទុកក្នុងជំនាញសាខាកាំកុងត្រូល ស្នើសុំការអនុញាតិពីលោកព្រះរាជអាជ្ញារងចំនួន១ធុង ដើម្បីធ្វើពិនិត្យនៅឡាបូ រកសារជាតិ ពិតប្រាកដ និងផ្តល់ព័ត៌មានតាមក្រោយថា ជាសារជាតិអ្វីពិតប្រាកដនោះ ។ ចំពោះខោអាវ និងបាយក្តាំង គឺរក្សាទុករង់ចាំការម្ចាស់ទំនិញចូលខ្លួនមកដោះស្រាយ ប្រសិនគ្មានបង់ពន្ធតម្រូវឲ្យបង់ពន្ធ និងប្រគល់ជូនម្ចាស់វិញ ៕
ចែករំលែកព័តមាននេះ