ខេត្តកំពត ៖ កម្លាំងអន្តរាគមន៍ឈុតខ្មៅ កម្លាំងការិយាល័យប្រឆាំងបទល្មើសគ្រឿងញៀនសហការណ៍ជាមួយសមត្ថកិច្ចការិយាល័យជនអន្តោប្រវេស្តន៍នៃស្នងការដ្ឋាននគរបាលខេត្ត ដឹកនាំដោយលោកវរសេនីយ៍ទោ លក ញ៉ាវ នាយការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្ត កាលពីវេលាម៉ោង១១និង១៥នាទី…
ខេត្តកំពត ៖ កម្លាំងអន្តរាគមន៍ឈុតខ្មៅ កម្លាំងការិយាល័យប្រឆាំងបទល្មើសគ្រឿងញៀនសហការណ៍ជាមួយសមត្ថកិច្ចការិយាល័យជនអន្តោប្រវេស្តន៍នៃស្នងការដ្ឋាននគរបាលខេត្ត ដឹកនាំដោយលោកវរសេនីយ៍ទោ លក ញ៉ាវ នាយការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្ត កាលពីវេលាម៉ោង១១និង១៥នាទី ថ្ងៃទី២១ ខែមករា ឆ្នាំ២០១៨ បានចុះបង្ក្រាបក្នុងផ្ទះជួលឲ្យជនបរទេសម្នាក់ ដែលជនបរទេសរូបនោះសម្ងំលាក់ខ្លួនប្រើប្រាស់ និងចែកចាយគ្រឿងញៀន ហើយត្រូវកម្លាំងសមត្ថកិច្ចចម្រុះចុះបង្ក្រាបជាក់ស្តែងតែម្តង ។
ទីតាំងដែលចុះបង្ក្រាបនេះ ស្ថិតក្នុងភូមិទ្វីខាងជើង សង្កាត់អណ្តូងខ្មែរ ក្រុងកំពត ។ លោកវរសេនីយ៍ទោល ក ញ៉ាវ បានឲ្យដឹងថា ក្រោយពីទទួលបានព័ត៌មានមកថា មានជនបរទេសស្នាក់នៅផ្ទះជួលនៅចំណុចខាងលើបានសម្ងំលាក់ខ្លួនជាមួយមិត្តស្រីម្នាក់ជនជាតិខ្មែរ លួចប្រើប្រាស់ និងចែកចាយគ្រឿងញៀន យើងបានសហការណ៍ជាមួយកម្លាំងសមត្ថកិច្ចចម្រុះចុះបង្ក្រាបជាក់ស្តែងតែម្តង ។
លោកបានបន្តទៀតថា ពេលកម្លាំងចុះដល់ទីតាំងយើងបានឃាត់ខ្លួនជនបរទេសម្នាក់ និងស្ត្រីខ្មែរ ដែលអះអាងថាជាមិត្តស្រីរបស់ជនបរទេសរូបនោះ ។ ក្រោយពីឃាត់ខ្លួនកម្លាំងសមត្ថកិច្ចចម្រុះយើង បានរឹបអូសវត្ថុតាងមួយចំនួនដូចខាងក្រោម ជញ្ជីងថ្លឹងថ្នាំញៀនមួយគ្រឿង, កញ្ឆាក្រៀម២កញ្ចប់, ឧបករណ៍ជក់មួយកំប្លេ, ដែកកេះហ្គ្រាស៤, ទូរស័ព្ទដៃម៉ាកសាំស៊ុង១គ្រឿង និងលុយដុល្លារចំនួន១៤០ដុល្លារ ។
លោកបានបន្តឲ្យដឹងទៀតថា ជនបរទេសជាជនសង្ស័យខាងលើមានឈ្មោះ JAMES SiMoN ភេទប្រុស អាយុ៦៩ឆ្នាំ កាន់លិខិតឆ្លងដែនលេខ ២៣៧៧៣៥២ ជនសង្ស័យជាមិត្តស្រីរបស់ជនបរទេសមានឈ្មោះ លុយ អៀន អាយុ៣២ឆ្នាំ មានទីលំនៅភូមិដំណាក់ចំបក់ សង្កាត់អូរក្រសារ ក្រុងកែប ខេត្តកែប ។
ជនសង្ស័យទាំងពីនាក់ក្រោយពីពិនិត្យឆែកឆេរ និងធ្វើកណត់ហេតុដកហូតវត្ថុតាងរួច ត្រូវបានកម្លាំងនគរបាលការិយាល័យអន្តោប្រវេស្តន៍នាំខ្លួនទៅកាន់ការិយាល័យប្រឆាំងបទល្មើសគ្រឿងញៀនធ្វើការសាកសួរបន្ត និងដើម្បីកសាងសំណុំរឿងបញ្ជូនទៅតុលាការចាត់ការតាមនីតិវិធី ៕
ចែករំលែកព័តមាននេះ