មនុស្សយើងមិនបានខ្លាចការចាប់ផ្តើមធ្វើតាមក្តីសុបិន ប៉ុន្តែពួកគេខ្លាចការផ្លាស់ប្តូរទៅវិញទេ ហើយនេះជាវិធីចាប់ផ្តើម និងធ្វើតាមក្តីសុបិនដ៏ខ្ពស់បំផុតរបស់យើងយ៉ាងក្លាហាន ។ ១-ស្មោះត្រង់ជាមួយខ្លួនឯង ៖ អ្នករវល់តែរង់ចាំអ្វីទៅ ? ព្រោះតែអ្នកនៅមិនទាន់ប្រាកដចិត្តក្នុងខ្លួន…
មនុស្សយើងមិនបានខ្លាចការចាប់ផ្តើមធ្វើតាមក្តីសុបិន ប៉ុន្តែពួកគេខ្លាចការផ្លាស់ប្តូរទៅវិញទេ ហើយនេះជាវិធីចាប់ផ្តើម និងធ្វើតាមក្តីសុបិនដ៏ខ្ពស់បំផុតរបស់យើងយ៉ាងក្លាហាន ។
១-ស្មោះត្រង់ជាមួយខ្លួនឯង ៖
អ្នករវល់តែរង់ចាំអ្វីទៅ ? ព្រោះតែអ្នកនៅមិនទាន់ប្រាកដចិត្តក្នុងខ្លួន ឬមានជំនាញមិនគ្រប់គ្រាន់ មែនទេ ? បញ្ហាពិតប្រាកដ អាចនៅត្រង់ថា អ្នកមិនចូលចិត្តការផ្លាស់ប្តូរ ឬនៅជាប់ជាមួយជីវិតដើមក៏ថាបាន ។
ជាញឹកញាប់ រឿងដែលធ្វើឲ្យមនុស្សយើងមិនអាចចាប់ផ្តើមក្តីសុបិនរបស់ខ្លួនបាន គឺការខ្វះកម្លាំងបណ្តាលចិត្ត និងវិន័យ ។ ដូច្នេះ អ្នកត្រូវចាប់ផ្តើមដោយការព្រមទទួលយ៉ាងច្បាស់លាស់ថា អ្វីជាឧបសគ្គរវាងអ្នកនិងសុបិននោះ បើមិនដូច្នោះទេ វាក៏គ្មានថ្ងៃក្លាយជាការពិតបានឡើយ ។
២-ខំតាំងចិត្ត ៖
មនុស្សភាគច្រើនមានក្តីសុបិន ប៉ុន្តែទៅមិនដល់ ព្រោះពួកគេគ្មានការតាំងចិត្តគ្រប់គ្រាន់នឹងធ្វើឲ្យសម្រេចក្តីសុបិននោះ ។ បើអ្នកមានក្តីសុបិន គឺត្រូវផ្តោតអារម្មណ៍ខ្លាំងជាមួយវា រហូតដល់សុបិនក្លាយជាការពិតបាន ។
ចូរចៀសវាងអ្វីដែលធ្វើឲ្យអ្នកយល់ខុស ហើយងាកមកនឹកវិធីធ្វើតាមសុបិនឲ្យស៊ីជម្រៅ និងជាញឹកញាប់ឲ្យវាកាន់តែល្អជាងមុន ។ កុំខាតពេលវេលានៅជាមួយអ្វីដែលមិនពាក់ព័ន្ធនឹងសុបិនរបស់អ្នក ព្រោះពេលវេលាមានតម្លៃខ្លាំងណាស់ ។
៣-ដាក់ផែនការរៀនសូត្រ និងហ្វឹកហាត់ ៖
សំណួរសំខាន់បំផុត គឺអ្នកនឹងត្រូវរៀនសូត្រអ្វីខ្លះដើម្បីឈានទៅរកគោលដៅបានយ៉ាងមានទំនុកចិត្ត និងប្រសិទ្ធភាព ? ចូរកំណត់ជំនាញផ្សេងៗដែលអ្នកចង់អភិវឌ្ឍន៍ខ្លួនឯងយ៉ាងណា ។
បន្ទាប់ពីនោះ គឺចាប់ផ្តើមដាក់ផែនការកំណត់ពេលវេលាសម្រាប់រឿងនីមួយៗដែលត្រូវរៀនសូត្រ ។ បើអ្នកមិនបានកំណត់ពេលវេលា ឬផ្លូវដើរឲ្យច្បាស់ថា ត្រូវហ្វឹកហាត់ជំនាញផ្សេងៗឲ្យជោគជ័យពេលណាទេ អ្នកនឹងខ្វះសមត្ថភាព និងកម្លាំងរុញច្រានគ្រប់គ្រាន់ដើម្បីឈានទៅដល់គោលដៅ ហើយចាំទុកថា ការរៀនសូត្រជាមូលដ្ឋានគ្រឹះនៃដំណើរឆ្ពោះទៅមុខ និងការអភិវឌ្ឍខ្លួនគ្រប់ផ្នែក ។
៤-ចាប់ផ្តើមដោយការធ្វើរឿងតូចៗរៀងរាល់ថ្ងៃ ៖
អ្នកត្រូវចាប់ផ្តើមក្តីសុបិនដ៏ធំធេងដោយការធ្វើរឿងតូចៗរាល់ថ្ងៃឲ្យឈានទៅជិតសុបិននោះជារឿយៗ ។ គ្មានផ្លូវកាត់ផ្សេងក្រៅពីការអនុវត្តទេ កាន់តែធ្វើខ្លាំង គឺកាន់តែជោគជ័យខ្លាំង មិនថាអ្នកណាក៏អាចចាប់ផ្តើមធ្វើរៀងរាល់ថ្ងៃ ដើម្បីឲ្យជីវិតជោគជ័យទៅថ្ងៃមុខ ។ ហេតុនេះហើយ ចូរសរសេរជាតារាងអ្វីដែលគួរធ្វើក្នុងថ្ងៃនីមួយៗជានិច្ច ។ កុំមើលរំលងការធ្វើរឿងតូចតាច ព្រោះជ័យជម្នះតូចៗនេះហើយដែលជំរុញឲ្យអ្នកមានទំនុកចិត្តក្នុងការធ្វើរឿងពិបាកបាន ។
ក្តីសុបិនរបស់អ្នកមានតម្លៃ និងអត្ថន័យណាស់ ហេតុនេះ ចូរបញ្ឈប់រកអ្វីមិនដោះសាខ្លួន ហើយចាប់ផ្តើមធ្វើតាមសុបិនយ៉ាងច្បាស់លាស់ទាំងកម្លាំងចិត្ត និងកម្លាំងកាយ ។
ហេតុផលដែលយើងមានទេពកោសល្យ និងប្រាថ្នាសម្រេចតាមសុបិននោះ គឺយើងនឹងបានព្យាយាមដើម្បីវា បានរីកចម្រើនពីវា និងនៅពេលធ្វើឲ្យសុបិននោះសម្រេចហើយ អ្នកក៏ត្រូវអភិវឌ្ឍន៍ខ្លួនឯងផងដែរ។ ដូច្នេះ ចូរដើរទៅរកសុបិនយ៉ាងរឹងប៉ឹង កុំព្រមចុះចាញ់ភាពភ័យខ្លាចរបស់ខ្លួនឯង ដើម្បីឲ្យអ្នកបានប្រើជីវិតទៅតាមក្តីប្រាថ្នា ៕
ចែករំលែកព័តមាននេះ