ខេត្តក្រចេះ ៖ ទីតាំងរណ្តៅរ៉ែដែលធ្លាប់បានលួចធ្វើអាជីវកម្មខុសច្បាប់បែបអនាធិបតេយ្យ ពេញ ក្នុងព្រៃតំបន់រ៉ែនៅចំណុចអូរត្រូន ក្នុងឃុំក្បាលដំរី ស្រុកសំបូរ និងធ្លាប់ឆក់យកអាយុ ជីវិតកម្មករខ្មែរជាច្រើននាក់ឲ្យស្លាប់ក្នុងរណ្តៅ និងបាត់ខ្លួនដោយសារតែបាក់ដីសង្កត់ ។ បើទោះបីជាមានការធ្លាប់ចុះទៅហាមឃាត់ទប់ស្កាត់ពីអាជ្ញាធរក៏មិនអាចទប់ស្កាត់បាន ។
នៅ ពេលនេះអណ្តូងរ៉ែទាំងអស់នៅតំបន់នោះ គឺត្រូវបានលោកប្រធានមន្ទីររ៉ែ និងថាមពល អះអាងថា បានធ្វើការទប់ស្កាត់បានទាំងស្រុង បន្ទាប់ពីសមត្ថកិច្ចមានវិធានការក្តៅ ដោយកាយដីលុបរណ្តៅចោលទាំងអស់ និងរើបំផ្លាញចោលរោងឈើតូច-ធំព្រមទាំងរឹបអូសយកសម្ភារជាច្រើនសម្រាប់ផ្សេងទៀត ។
វិធានការក្តៅពីក្រុមអាជ្ញាធរមានសមត្ថកិច្ច ពិសេសមន្ទីរជំនាញរ៉ែ និងថាមពលដែល បានធ្វើឡើងទៅលើបណ្តារណ្តៅរ៉ែខុសច្បាប់ទាំងចំនួនជាង១០ទីតាំងនោះ ត្រូវបានលោក សុខ គីរីរ័ត្ន ប្រធានមន្ទីររ៉ែ និងថាមពលបានបញ្ជាក់ថា សកម្មភាពនេះបានធ្វើឡើងក្នុងអំឡុង រយៈពេលប៉ុន្មានថ្ងៃចុងក្រោយនេះ បន្ទាប់ពីបានពិនិត្យឃើញថា ទីតាំងរណ្តៅរ៉ែនោះនៅតែមានជនឱកាសនិយម នៅតែលួចធ្វើអាជីវកម្មខុសច្បាប់ ។
ក្រោយវិធានការក្តៅនេះហើយ សមត្ថកិច្ចក៏នៅតែបន្តឃ្លាំមើល ប្រសិនបើនៅតែមានការលួចចូលទៅធ្វើអាជីវកម្មទៀតនោះ គឺមានផែនការចាប់ខ្លួនតែម្តង ៕
ចែករំលែកព័តមាននេះ