ខេត្តកំពង់ធំ ៖ មានរឿងដ៏គួរឱ្យអាណោចអាធ័មមួយ ខណៈម្តាយកំពុងរវល់ជាប់ដាំស្លរ ស្រាប់តែកូនប្រុសតូចដ៏គួរឱ្យស្រឡាញ់បានលង់ទឹកបង្គន់ស្លាប់ធ្វើឱ្យរន្ធត់ចិត្តក្រៃលែង ហេតុការណ៍នេះបានកើតឡើងកាលពីវេលាម៉ោង១១និង២០នាទី ថ្ងៃទី២០ មករា ២០១៨ ស្ថិតក្នុងភូមិត្នោតជុំទី៤…
ខេត្តកំពង់ធំ ៖ មានរឿងដ៏គួរឱ្យអាណោចអាធ័មមួយ ខណៈម្តាយកំពុងរវល់ជាប់ដាំស្លរ ស្រាប់តែកូនប្រុសតូចដ៏គួរឱ្យស្រឡាញ់បានលង់ទឹកបង្គន់ស្លាប់ធ្វើឱ្យរន្ធត់ចិត្តក្រៃលែង ហេតុការណ៍នេះបានកើតឡើងកាលពីវេលាម៉ោង១១និង២០នាទី ថ្ងៃទី២០ មករា ២០១៨ ស្ថិតក្នុងភូមិត្នោតជុំទី៤ ឃុំត្នោតជុំ ស្រុកបារាយណ៌ ខេត្តកំពង់ធំ។
តាមប្រភពពីលោកវរសេនីយ៍ត្រី សន តាល់ អធិការរងនគរបាលស្រុកបារាណ៍បានឱ្យដឹងថា ម្តាយក្មេងរងគ្រោះឈ្មោះ ក្រាត់ សុភា អាយុ៣៤ឆ្នាំ និងឪពុកឈ្មោះ ហូ សាវឿន អាយុ៣៨ឆ្នាំ ចំណែកកូនប្រុសតូចរបស់គាត់ឈ្មោះហៀប អ៊ីថាង អាយុ០១ឆ្នាំ អ្នកទាំង៣នាក់រស់នៅក្នុងភូមិត្នោតជុំទី៤ ឃុំត្នោតជុំ ស្រុកបារាយណ៌ ខេត្តកំពង់ធំ។
លោកវរសេនីយ៍ត្រីបន្តទៀតថា បើយោងតាមម្តាយក្មេងរងគ្រោះឱ្យដឹងថា រាល់ថ្ងៃគាត់តែងតែងូតទឹកឱ្យកូន និងដាក់ឱ្យកូនលេងទឹកមិនដែលកើតអីនោះទេ លុះនៅថ្ងៃកើតហេតុបន្ទាប់ពីងូតទឹករួចក៏ដាក់ឲ្យកូនលេងដូចសព្វដង រួចក៏ចេញមកដាំបាយ និងធ្វើម្ហូប ដោយទុកកូនតូចរបស់គាត់ឲ្យលេងនៅក្នុងបន្ទប់ទឹក ដែលក្នុងនោះមានបង្គន់នៅជាមួយ។ ខណៈពេលកំពុងជាប់ដៃធ្វើម្ហូមភ្លេចខ្លួន ស្រាប់តែកូនប្រុសតូចគាត់ធ្លាក់ចូលទៅក្នុងអាងទឹកលង់ស្លាប់យ៉ាងអាណោចអាធ័មតែម្តង។
ក្រោយកើតហេតុសមត្ថកិច្ចបានធ្វីកោសល្យវិច្ច័យ រួចសន្និដ្ឋានថា ក្មេងប្រុសរងគ្រោះនេះពិតជាស្លាប់ដោយសារលង់ទឹកមែន រួចក៏ប្រគល់សពឱ្យឪពុកម្ដាយចាត់ចែងធ្វើបុណ្យតាមប្រពៃណី ៕
ចែករំលែកព័តមាននេះ