ខេត្តព្រៃវែង ៖ បើតាមសេចក្តីរាយការណ៍បឋមបានឱ្យដឹងថា ក្រុមជញ្ជីងចល័តក្រសួងសាធារណការបានចេញចាប់រថយន្តដឹកលើសទម្ងន់ដែលខុសច្បាប់អនុញ្ញាតិនៅលើកំណាត់ផ្លូវជាតិលេខ1 ត្រង់ចំណុចខាងកើតស្ពានកំពង់ត្របែក ស្ថិតក្នុងឃុំប្រាសាទ ស្រុកកំពង់ត្របែក ខេត្តព្រៃវែង។ សកម្មភាពនេះបានចាប់ផ្តើមធ្វើឡើងតាំងពីម៉ោង3ទៀបភ្លឺ ថ្ងៃទី21 ខែមករា នេះ រហូតដល់ម៉ោង6ព្រឹកថ្ងៃដដែល។
សេចក្តីរាយការណ៍បានបន្តទៀតថា ការចុះប្រតិបត្តិការចាប់រថយន្តខាងលើនេះ គឺក្រុមជញ្ជីងចល័តក្រសួងសាធារណការបានចាប់ឃាត់ក្រុមរថយន្តយីឌុបដឹកខ្សាច់ចំនួន9គ្រឿងដែលសុទ្ធសឹងជារថយន្តដឹកលើសទម្ងន់។ ក្រោយមកពីចាប់បានហើយ មានរថយន្ត2គ្រឿងបានទទួលខុស ហើយព្រមបង់ផាកពិន័យ ទើបមន្ត្រីជំនាញធ្វើការផាកពិន័យហើយអនុញ្ញាតិឱ្យបន្តដំណើរទៅមុខទៀត ដោយក្នុង1រថយន្តត្រូវផាកពិន័យពី6ទៅ7លានរៀល។ ដោយឡែកនៅសល់7ឡានទៀតមិនទាន់ដោះស្រាយចេញនៅឡើយទេ។
ចែករំលែកព័តមាននេះ