រាជធានីភ្នំពេញ ៖ ក្មេងទំនើង២ក្រុមអង្គុយម្ខាងផ្លូវម្នាក់សោះ បែរជាឌឺដងសម្តីដាក់គ្នារហូតក្លាយជា ហិង្សា ប្រើដំបង និងដុំថ្មគប់គ្នាទៅវិញទៅមក សមត្ថកិច្ចចុះអន្តរាគមន៍ឃាត់ខ្លួនភាគីទាំង២ដែលមានគ្នាចំនួន០៦នាក់យកមកសាកសួរ ។ ហេតុការណ៍នេះបង្កភ្ញាក់ផ្អើលកាលពីម៉ោង២១និង០០នាទីនៅមុខភោជនីដ្ឋានមួយកន្លែង…
រាជធានីភ្នំពេញ ៖ ក្មេងទំនើង២ក្រុមអង្គុយម្ខាងផ្លូវម្នាក់សោះ បែរជាឌឺដងសម្តីដាក់គ្នារហូតក្លាយជា ហិង្សា ប្រើដំបង និងដុំថ្មគប់គ្នាទៅវិញទៅមក សមត្ថកិច្ចចុះអន្តរាគមន៍ឃាត់ខ្លួនភាគីទាំង២ដែលមានគ្នាចំនួន០៦នាក់យកមកសាកសួរ ។ ហេតុការណ៍នេះបង្កភ្ញាក់ផ្អើលកាលពីម៉ោង២១និង០០នាទីនៅមុខភោជនីដ្ឋានមួយកន្លែង ផ្លូវ១០១៩ ភូមិពោងពាយ សង្កាត់ភ្នំពេញថ្មីខណ្ឌសែនសុខ ។
ភាគីទីមួយ ៖ សមត្ថកិច្ចឃាត់ខ្លួនបាន០៤នាក់ទី១-ឈ្មោះ វុធ តុងហាវ អាយុ១៨ឆ្នាំ មុខរបរមិនពិតប្រាកដ ទី២-ឈ្មោះ វ៉ាន់ សុខឡេង អាយុ១៧ឆ្នាំ មុខរបរមិនពិតប្រាកដ ទី៣-ឈ្មោះ ចិន ភារម្យ អាយុ១៧ឆ្នាំ មុខរបរមិនពិតប្រាកដ និងទី៤-ឈ្មោះ គឹម ធារ៉ា អាយុ២០ឆ្នាំ មុខរបរមិនពិតប្រាកដ ទាំង៤នាក់ស្នាក់នៅភូមិរោងចក្រសង្កាត់គោកឃ្លាង ខណ្ឌសែនសុខ ។
ភាគីទីពីរ ៖ សមត្ថកិច្ចឃាត់ខ្លួនបាន២នាក់ទី១-ឈ្មោះ ឈួន ឧត្តម អាយុ១៧ឆ្នាំ មុខរបរលាងរថយន្ត ទី២-ឈ្មោះ សុខ រិទ្ទ អាយុ១៨ឆ្នាំ មុខរបរលាងរថយន្ត ទាំង២នាក់ស្នាក់នៅភូមិពោងពាយ សង្កាត់ភ្នំពេញថ្មី ខណ្ឌសែនសុខ ។
ប្រភពនៅកន្លែងកើតហេតុបានប្រាប់ថា មុនកើតហេតុឃើញក្មេងទំនើង២ក្រុមខាងលើ អង្គុយលេងទល់មុខគ្នា ដោយនៅម្ខាងផ្លូវរៀងៗខ្លួន ក្នុងនោះមានស្រីមានប្រុស ហើយមួយសន្ទុះក្រោយមកស្រាប់តែប្រែក្លាយទៅជាបោះសម្តីផ្លែផ្កាដាក់គ្នា រហូតឈានដល់ប្រើហិង្សាដាក់គ្នា ដោយប្រើដំបង និងដុំថ្មគប់ទៅវិញទៅមក ប៉ុន្តែមិនមានអ្នករងរបួសឡើយ គ្រាន់តែដុំថ្មខាងលើខ្ទៀតទៅប៉ះកញ្ចក់ហាងធីមកាហ្វេ បណ្តាលឲ្យមានស្នាមប្រះ២ទៅ៣ផ្ទាំង ។
ប្រភពដដែលបានបន្តថា ក្រោយហេតុការណ៍កើតឡើងសមត្ថកិច្ចមូលដ្ឋានបានចុះអន្តរាគមន៍ និងឃាត់បាទាំង០៦នាក់ យកទៅសាកសួរនៅប៉ុស្តិ៍ភ្លាមៗ ។ សមត្ថកិច្ចមូលដ្ឋានបានបញ្ជាក់ ក្នុងករណីទំនាស់គ្នាខាងលើនេះ ក្រោយពីយកមកប៉ុស្តិ៍ធ្វើការសាកសួរភាគីសងខាងព្រមទទួលកំហុសខ្លួនដោយមិនមានអ្នកប្តឹងគ្នាឡើយ ហើយសមត្ថកិច្ចបានឲ្យអាណាព្យាបាលមកធ្វើការធានាត្រឡប់ទៅផ្ទះវិញរៀងៗខ្លួន ៕
ចែករំលែកព័តមាននេះ