រាជធានីភ្នំពេញ ៖ បុរសជាជនជាតិចិនម្នាក់ ខណៈបើករថយន្តគេចពីរថយន្តមួយគ្រឿងទៀត ក៏ជ្រុលធ្លាក់ចូលប្រឡាយទឹក ដែលនៅក្បែរដងផ្លូវ តែសំណាងល្អអ្នកបើកបររថយន្តមិនមានរងរបួសអ្វីគ្រាន់តែរងការភិតភ័យ ។ ហេតុការណ៍នេះកើតឡើងកាលពីម៉ោង២២និង៣០នាទីយប់ថ្ងៃទី២០ ខែមករា នៅចំណុចផ្លូវជាតិលេខ៣ ភូមិព្រៃកី សង្កាត់ភ្លើងឆេះរទេស ខណ្ឌពោធិ៍សែនជ័យ ។
អ្នកបើករថយន្តឈ្មោះ សឹង ជីង អាយុ៥៥ឆ្នាំ ជនជាតិចិន មុខរបរធ្វើការរោចក្រកាត់ដេរសំលៀកបំពាក់ ស្នាក់នៅភូមិក្រាំងពង្រ សង្កាត់ក្រាំងពង្រ ខណ្ឌដង្កោ ។
សម្តីបុរសជនជាតិចិនខាងលើប្រាប់តាមរយៈអ្នកបកប្រែបានឲ្យដឹងថា មុនកើតហេតុគាត់បានបើករថយន្តខាងលើ ពណ៌ទឹកប្រាក់ ស្លាកលេខ កណ្តាល២B-៦៧៨៦ ចេញពីទីក្រុងភ្នំពេញ គោលបំណងទៅរោងចក្រនៅសង្កាត់ក្រាំងពង្រ ដោយធ្វើដំណើរពីភ្នំពេញទៅ ខណៈមកដល់ចំណុចខាងលើ ស្រាប់តែមានរថយន្តធុនធំមួយគ្រឿង មិនស្គាល់ម៉ាកបានបើកមកជែងពេលនោះគាត់បានព្យាយាមបើកគេចរថយន្តខាងលើ ក៏ជ្រុលធ្លាក់ប្រឡាយទឹកដែលនៅក្បែផ្លូវជាតិតែម្តង ប៉ុន្តែសំណាងល្អមិនមានរងរបួសអ្វី ។
ភ្លាមៗសមត្ថកិច្ចមូលដ្ឋានបានចុះដល់កន្លែងគ្រោះថ្នាក់ខាងលើ ប៉ុន្តែដោយសាររថយន្តមិនប៉ះពាល់អ្នកដ៏ទៃបានឲ្យម្ចាស់រករថយន្តមកស្ទូចយកចេញដោយខ្លួនឯងទៅ ៕
ចែករំលែកព័តមាននេះ