ខេត្តសៀមរាប ៖ សមត្ថកិច្ចស្រុកសូទ្រនិគមបានឃាត់ខ្លួនឪពុកចុងតិរិច្ឆាន បន្ទាប់ពីម្តាយកុមារីរងគ្រោះបានមកដាក់ពាក្យបណ្តឹងឱ្យចាប់ខ្លួន ខណៈឃើញកូនចេញឈាមតាមប្រដាប់ភេទអត់ឈប់ ហេតុការណ៍ឃាត់ខ្លួនជនសង្ស័យ (ប្តីចុង) នោះធ្វើឡើងនៅល្ងាចថ្ងៃទី២០ មករា ២០១៨…
ខេត្តសៀមរាប ៖ សមត្ថកិច្ចស្រុកសូទ្រនិគមបានឃាត់ខ្លួនឪពុកចុងតិរិច្ឆាន បន្ទាប់ពីម្តាយកុមារីរងគ្រោះបានមកដាក់ពាក្យបណ្តឹងឱ្យចាប់ខ្លួន ខណៈឃើញកូនចេញឈាមតាមប្រដាប់ភេទអត់ឈប់ ហេតុការណ៍ឃាត់ខ្លួនជនសង្ស័យ (ប្តីចុង) នោះធ្វើឡើងនៅល្ងាចថ្ងៃទី២០ មករា ២០១៨ ស្ថិតក្នុងស្រុកសូទ្រនិគម ខេត្តសៀមរាប ។
បើតាមសមត្ថកិច្ចបានឱ្យដឹងថា ជនសង្ស័យខាងលើឈ្មោះ ចាន់ ធី ភេទប្រុស អាយុ២៦ឆ្នាំ ជាប្តីក្រោយដែលទើបបានគ្នា២ខែ មានស្រុកកំណើតនៅភូមិចាន់សខាងត្បូង ឃុំចាន់ស ស្រុកសូទ្រនិគម ចំណែកកុមារីរងគ្រោះអាយុ៤ឆ្នាំ ។
តាមសម្តីម្តាយកុមារីរងគ្រោះប្រាប់សមត្ថកិច្ចឱ្យដឹងថា មុនពេលកើតហេតុ ម្តាយកុមារីរងគ្រោះដែលប្តឹងប្តីក្រោយនេះ គឺទើបតែបានគ្នារយៈពេល២ខែប៉ុណ្ណោះ ក្រោយមកឃើញកូនស្រីរបស់គាត់ហូរឈាមចេញតាមប្រដាប់ភេទអត់ឈប់ ហើយថែមទាំងស្រែកយំទៀត ក៏នាំកូនទៅពិនិត្យនៅមន្ទីរពេទ្យកុមារខេត្តសៀមរាប ទើបដឹងថាកុមារីរងគ្រោះត្រូវឪពុកចុងតិរិច្ឆានចាប់រំលោភ។ ដោយឪពុកចុងនោះបាននាំកុមារីរងគ្រោះទៅបេះស្តៅនៅឯវាលស្រែខាងលិចភូមិចម្ងាយ២៥០ម៉ែត្រ កាលពីថ្ងៃទី១៩ មករា ស្ថិតនៅស្រុកសូទ្រនិគម ហើយក៏ចាប់កុមារីរងគ្រោះដោះខោចេញ រួចយកដៃលូកប្រដាប់ភេទរហូតចេញឈាម ក្រោយមកឃើញកុមារីរងគ្រោះស្រែកយំថា «ឈឺណាស់» ក៏ដកដៃចេញវិញ ហើយនាំដើរមកផ្ទះវិញតែម្តង។
លោកវរសេនីយ៍ឯក ណុប សារ៉ាក់ អធិការស្រុកសូទ្រនិគមបានប្រាប់នៅយប់ថ្ងៃទី២០ មករានេះថា ដោយយើងទើបទទួលព័ត៌មានថាមានករណីរំលោភមួយបានកើតឡើងនៅស្រុកសូទ្រនិគម កាលពីថ្ងៃទី១៩ ដោយឪពុកចុងរំលោភកូនដើម លុះព្រឹកថ្ងៃទី២០ ទើបម្តាយឃើញកូនមានឈាមហូរតាមប្រដាប់ភេទក៏នាំកូនទៅពេទ្យកុមារខេត្តសៀមរាបពិនិត្យដឹងថា កុមារីរងគ្រោះត្រូវគេរំលោភ រហូតដល់ល្ងាចទើបខ្ចីទូរស័ព្ទគេចុចមកប្រាប់លោកមេភូមិក៏ដឹងដល់សមត្ថកិច្ចយើង ។
ក្រោយមកកម្លាំងជំនាញរបស់អធិការដ្ឋានស្រុកបានចុះទៅនាំខ្លួនប្តីចុងនោះយកមកសួរចម្លើយនៅអធិការដ្ឋាន ខណៈពេលនោះជនសង្ស័យសារភាពថា «ខ្លួនពិតជាបានប្រព្រឹត្តទៅលើកូនចុងពិតប្រាកដមែន»។ ក្រោយពីជនសង្ស័យសារភាពច្បាស់លាស់ហើយ កម្លាំងជំនាញក៏យកខ្នោះមកដាក់ រួចរៀបចំកសាងសំណុំរឿងបញ្ជូនទៅការិយាល័យជំនាញបទល្មើសព្រហ្មទណ្ឌកំរិតធ្ងន់នៃស្នងការនគរបាលខេត្ត ដើម្បីបញ្ជូនបន្តទៅតុលាការខេត្ត ចាត់ការតាមនីតិវិធីច្បាប់៕
ចែករំលែកព័តមាននេះ