រាជធានីភ្នំពេញ ៖ បុរសម្នាក់ត្រូវគេចោទប្រកាន់ថា បានធ្វើសកម្មភាពឆក់កាបូបស្ពាយជំហៀងពីស្ត្រីម្នាក់បានសម្រេច ខណៈនាងធ្វើដំណើរតាមម៉ូតូជាមួយបុរស២នាក់ទៀត ។ ហេតុការណ៍នេះបង្កភ្ញាក់ផ្អើកាលពីម៉ោង១២យប់និង៣០នាទីរំលងអធ្រាត្រឈានចូលថ្ងៃទី២១ មករានៅផ្លូវលេខ២៧១ ខាងជើងវិទ្យាល័យសម្តេចជាស៊ីមសាមគ្គី សង្កាត់បឹងសាឡាង…
រាជធានីភ្នំពេញ ៖ បុរសម្នាក់ត្រូវគេចោទប្រកាន់ថា បានធ្វើសកម្មភាពឆក់កាបូបស្ពាយជំហៀងពីស្ត្រីម្នាក់បានសម្រេច ខណៈនាងធ្វើដំណើរតាមម៉ូតូជាមួយបុរស២នាក់ទៀត ។ ហេតុការណ៍នេះបង្កភ្ញាក់ផ្អើកាលពីម៉ោង១២យប់និង៣០នាទីរំលងអធ្រាត្រឈានចូលថ្ងៃទី២១ មករានៅផ្លូវលេខ២៧១ ខាងជើងវិទ្យាល័យសម្តេចជាស៊ីមសាមគ្គី សង្កាត់បឹងសាឡាង ខណ្ឌទួលគោក ។
បុរសសង្ស័យឈ្មោះ ស៊ឹម សាច់សារី អាយុ២៥ឆ្នាំ មុខរបរមិនពិតប្រាកដ ស្នាក់នៅផ្ទះជួល ភូមិត្រពាំងឈូកសង្កាត់អូរបែកក្អម ខណ្ឌសែនសុខ ។
ចំណែកដើមបណ្តឹងឈ្មោះ ហាប់ គឹមមួយ ភេទស្រី អាយុ១៨ឆ្នាំ ស្នាក់នៅភូមិព្រែកទាល់សង្កាត់ស្ទឹងមានជ័យ ខណ្ឌមានជ័យ ។
ជនរងគ្រោះប្រាប់សមត្ថកិច្ចថា មុនកើតហេតុគាត់បានចេញពីផ្ទះនៅសង្កាត់ស្ទឹងមានជ័យ២គោលបំណងជូនបងទៅផ្ទះគាត់ ដោយជិះម៉ូតូមួយគ្រឿង ពណ៌ខ្មៅ ឌុបគ្នា០៣នាក់ ជិះតាមផ្លូវ២៧១ ពីត្បូងទៅជើង ខណៈមកដល់ចំណុចខាងលើស្រាប់តែមានបុរសម្នាក់ជិះម៉ូតូធុនធំពណ៌ខ្មៅមកពីក្រោយ ធ្វើសកម្មភាពឆក់យកកាបូបស្ពាយរបស់គាត់បានសម្រេច ហើយព្យាយាមបើករត់គេចខ្លួន ។
ប្រភពបានបន្តថា ពេលនោះគាត់បានព្យាយាមបើកតាមពីក្រោយរហូតមកដល់ផ្លូវ២០០៤ ភូមិត្រពាំងឈូក សង្កាត់អូរបែក្អម បានឃើញសមត្ថកិច្ចកំពុងល្បាតក៏ឲ្យជួយឃាត់ខ្លួនជនសង្ស័យខាងលើបានតែម្តង ។
នៅចំពោះមុខសមត្ថកិច្ចជនសង្ស័យបានប្រកែកថា ខ្លួនមិនបានធ្វើសកម្មភាពឆក់កាបូបដូចការចោទប្រកាន់ឡើយ ដោយអះអាងថា ស្ត្រីខាងលើសង្ស័យភណ្ឌច្រឡំ ហើយពេលឃាត់នោះមិនឃើញមានការបូបជនរងគ្រោះឡើយ ។ តែទោសយ៉ាងណាជនរងគ្រោះជិះម៉ូតូមានគ្នាដល់ទៅ៣នាក់ ហើយសុទ្ធតែចោទប្រកាទទៅលើបុរសខាងលើទាំងអស់នៅក្នុងកាបូបដែលជនសង្ស័យឆក់នោះមានលុយ១០ម៉ឺនរៀល និងទូរស័ព្ទដៃម៉ាកអាហ្វូន៥ ពណ៌ស មួយគ្រឿងផងដែរ ។
បច្ចុប្បន្នបុរសដែលជាជនសង្ស័យត្រូវសមត្ថកិច្ចឃាត់ខ្លួនបណ្តោះអាសន្ន នៅអធិការដ្ឋាននគរបាលខណ្ឌទួលគោក ៕
ចែករំលែកព័តមាននេះ