ចាប់បាន ទើបដឹងរឿងឃាតក.ម្មសម្លា.ប់បុរសនេះ
- ភ្នំពេញ
រាជធានីភ្នំពេញ ៖ សេចក្តីរាយការណ៍បន្តឱ្យដឹងទៀតថា ទាក់ទិនករណីឃាតកម្មវាយសម្លាប់បុរសម្នាក់នៅ សង្កាត់ជើងឯក ខណ្ឌដង្កោ រាជធានីភ្នំពេញ គិតនៅត្រឹមម៉ោង១០ព្រឹកថ្ងៃទី២០ មករា នេះ…
រាជធានីភ្នំពេញ ៖ សេចក្តីរាយការណ៍បន្តឱ្យដឹងទៀតថា ទាក់ទិនករណីឃាតកម្មវាយសម្លាប់បុរសម្នាក់នៅ សង្កាត់ជើងឯក ខណ្ឌដង្កោ រាជធានីភ្នំពេញ គិតនៅត្រឹមម៉ោង១០ព្រឹកថ្ងៃទី២០ មករា នេះ ត្រូវបានសមត្ថកិច្ចស្រាវជ្រាវ ឃាត់ខ្លួនជនសង្ស័យបានម្នាក់ហើយ ដែលករណី គឺជារឿងខឹងដោយសារមិនព្រមលក់គ្រឿងញៀនឱ្យជក់ ។ នេះបើយោងតាមចម្លើយសារភាពដំបូងរបស់ជនសង្ស័យ ។
សេចក្តីរាយការណ៍បន្តថា ជនសង្ស័យដែលឃាត់ខ្លួនមានឈ្មោះឆាង ផានិត អាយុ៣០ឆ្នាំ ជាអ្នកលក់ថ្នាំញៀន ។ រីឯជនរងគ្រោះដែលស្លាប់ឈ្មោះម៉ៅ រតនៈ អាយុ២០ឆ្នាំ ទាំង២នាក់មានទីលំនៅក្នុងភូមិកើតហេតុខាងលើ ។
បើតាមចម្លើយសារភាពជនសង្ស័យឱ្យដឹងទៀតថា កាលពីយប់ថ្ងៃទី១៩ មករា ជនរងគ្រោះបានជិះកង់មកមកសុំទិញថ្នាំញៀនពីខ្លួន ប៉ុន្តែត្រូវខ្លួនប្រកែកអត់ព្រមលក់ឱ្យនោះទេ ដោយនិយាយប្រាប់ជនរងគ្រោះថា ឥលូវមានប៉ូលិសឃ្លាំមើលច្រើនណាស់ ។ ជនសង្ស័យនេះបន្តថា នៅពេលដែលខ្លួនមិនព្រមលក់ថ្នាំញៀន ឱ្យនោះ បានធ្វើឱ្យជនរងគ្រោះខឹងហើយជិះកង់ត្រឡប់ទៅវិញព្រមទាំងជេរប្រមាថខ្លួនទៀតផង ទើបខ្លួនទប់កំហឹងអត់បាន ក៏ហៅបក្សពួកតាមវាយសម្លាប់ជនរងគ្រោះតែម្តង ។
បច្ចុប្បន្ន សមត្ថកិច្ចកំពុងស្រាវជ្រាវរកបក្សពួករបស់ជនសង្ស័យរូបនេះ ដើម្បីចាត់ការតាមច្បាប់ ។ គួររំលឹកថា មានការភ្ញាក់ផ្អើល កាលពីវេលាព្រឹកថ្ងៃទី២០ មករា នេះ ស្ថិតក្នុងសង្កាត់ជើងឯក ខណ្ឌដង្កោ រាជធានីភ្នំពេញ ដោយគេបានប្រទះឃើញយុវជនដេកស្លាប់យ៉ាងអាណោចអាធ័ម ស្ថិតនៅកៀនរបងថ្មមួយកន្លែង ដោយមានឈាមពេញខ្លួន ហើយក៏កំពុងសង្ស័យថា អាចជាករណីឃាតកម្មវាយសម្លាប់ ។
ចែករំលែកព័តមាននេះ