រាជធានីភ្នំពេញ ៖ បុរសម្នាក់បានបើករថយន្តឡិចស៊ីស RX៣៣០ ក្នុងល្បឿនលឿន ខ្វះការប្រុងប្រយ័ត្ន បានជ្រុលទៅបុកនឹងរថយន្តសណ្តោងមួយគ្រឿងដែលកំពុងតែបើកឆ្លងផ្លូវ ចំពាក់កណ្ដាលពេញទំហឹង បណ្ដាលឲ្យអ្នករងការខូចខាតរថយន្តយ៉ាងដំណំ និងធ្វើឲ្យអ្នកបើករថយន្តឡិចស៊ីស…
រាជធានីភ្នំពេញ ៖ បុរសម្នាក់បានបើករថយន្តឡិចស៊ីស RX៣៣០ ក្នុងល្បឿនលឿន ខ្វះការប្រុងប្រយ័ត្ន បានជ្រុលទៅបុកនឹងរថយន្តសណ្តោងមួយគ្រឿងដែលកំពុងតែបើកឆ្លងផ្លូវ ចំពាក់កណ្ដាលពេញទំហឹង បណ្ដាលឲ្យអ្នករងការខូចខាតរថយន្តយ៉ាងដំណំ និងធ្វើឲ្យអ្នកបើករថយន្តឡិចស៊ីស រងរបួសធ្ងន់ផងដែរ ហេតុការណ៍នេះបានកើតឡើងនៅវេលាម៉ោង០៩យប់ ថ្ងៃទី១៩ខែមករា ឆ្នាំ២០៨ ជិតនឹងផ្ទះលក់គ្រឿងសំណង់យីហោ ប៊ុនថា អរុណរស្មី ផ្លូវបេតុងព្រៃស ភូមិព្រៃសកើត សង្កាត់ព្រៃស ខណ្ឌដង្កោ ។
តាមប្រភពព័ត៌មានពីកន្លែងកើតបានឲ្យដឹងថា មុនពេលកើតហេតុ គេបានឃើញបុរសម្នាក់បើករថយន្តសណ្តោងម៉ាក KIA ពណ៌ខៀវ ពាក់ស្លាកលេខ ភ្នំពេញ ៣A-៧៥២២ បានបើកចេញពីការ៉ាស់ឆ្លងផ្លូវព្រៃស ក្នុងទិសដៅពីកើតទៅលិចជិះ បើកបរបញ្ឆិតផ្លូវ ខណៈរថយន្តបើកឆ្លងជិតផុតទៅហើយនោះ ក៍ស្រាប់តែមានបុរសម្នាក់បានរថយន្តម៉ាកឡិចស៊ីស RX៣៣០ ពណ៌ស ពាក់ស្លាកលេខ ភ្នំពេញ ២AO-២៩៣៩ បានធ្វើដំណើរតាមផ្លូវបេតុងព្រៃស ក្នុងទិសដៅបញ្ច្រាសទិសគ្នា ពីលិចទៅកើត ហើយល្បឿនលឿនផងនោះ បានជ្រុលទៅបុកនឹងរថយន្តសណ្តោងដែលកំពុងឆ្លងចំពាក់កណ្តាលពេញទំហឹង បណ្តាលឲ្យរថយន្តឡិចស៊ីសប៉ើងខ្ទាតថយក្រោយ និងធ្វើឲ្យអ្នកបើកបោកក្បាលទៅនឹងកញ្ចក់ រងរបួសបែកក្បាលហូរឈាមពេញខ្លួន ភ្លាមៗនោះដែរ ជនរងគ្រោះត្រូវបានរថយន្តបានមកដឹកយកទៅសង្គ្រោះនៅគ្លិនិកឯកជន ។ ចំណែករថយន្តវិញរងការខូចខាតខ្ទេចផ្នែកខាងមុខបែកកញ្ចក់ និងផ្ទុះពោងសុវត្តិភាពថែមទៀតផង ។
ដោយឡែករថយន្តសណ្តោងវាស់វែងរងការខូចខាតក្រពិតចំហៀងខាងឆ្វេង ភ្លាមៗនោះដែរ អ្នកបើកបរបានចុះពីលើរថយន្តរត់គេចខ្លួនបាត់ស្រមោល ។ ក្រោយពេលកើតហេតុ សមត្ថកិច្ចមូលដ្ឋាន និងជំនាញខណ្ឌបានចុះទៅកន្លែងកើតហេតុ រួចធ្វើការវាស់វែងយកទៅរថយន្តទាំងពីរគ្រឿងទៅរក្សាទុកនៅអធិការដ្ឋានខណ្ឌដង្កោ ដើម្បីរង់ចាំធ្វើការដោះស្រាយ ៕
ចែករំលែកព័តមាននេះ