ខេត្តឧត្តរមានជ័យ ៖ មានសេចក្តីរាយការណ៍មួយនាថ្ងៃទី១៩ មករា ២០១៨ ស្តីពីករណីឪពុងចុង រំលោភរំសេពសន្ថវៈលើកូនស្រីអាយុ១៣ឆ្នាំ នៅលើផ្ទះរបស់ខ្លួន ស្ថិតក្នុងភូមិអូរចិញ្ចៀន ឃុំ.ស្រុកអន្លង់វែង…
ខេត្តឧត្តរមានជ័យ ៖ មានសេចក្តីរាយការណ៍មួយនាថ្ងៃទី១៩ មករា ២០១៨ ស្តីពីករណីឪពុងចុង រំលោភរំសេពសន្ថវៈលើកូនស្រីអាយុ១៣ឆ្នាំ នៅលើផ្ទះរបស់ខ្លួន ស្ថិតក្នុងភូមិអូរចិញ្ចៀន ឃុំ.ស្រុកអន្លង់វែង ខេត្តឧត្តមានជ័យ។ ជនសង្ស័យឈ្មោះ ប្រាក់ អ៊ាន ភេទប្រុស អាយុ៦៥ឆ្នាំ មុខរបរជាអ្នកសារព័ត៌មាន បន្ទាយស្រី។ ករណីឪពុកចុងរំលោភកូនស្រីអាយុ១៣ឆ្នាំនេះ ត្រូវបានគេដឹងថា ថ្ងៃកើតហេតុ កម្លាំងសមត្ថកិច្ចនគរបាលផ្នែកព្រហ្មទណ្ឌស្រុកអន្លង់វែង បានទទួលពាក្យបណ្តឹងពីម្តាយក្មេងរងគ្រោះ ដែលបានប្តឹងប្តីរបស់ខ្លួនថា បានចាប់រំលោភសេពសន្ថវៈលើកូនស្រីគាត់។
ក្រោយពីមានពាក្យបណ្តឹងផ្ទាល់មាត់ ពីស្ត្រីជាម្តាយក្មេងរងគ្រោះ កម្លាំងសមត្ថកិច្ចចុះទៅអន្តរាគមន៍ភ្លាមៗ និងបានឃាត់ខ្លួនជនសង្ស័យជាប្តីនោះតែម្តង។ ដើមហេតុកាលពីវេលាម៉ោង៥ទៀបភ្លឺ ថ្ងៃ១៩ មករា ២០១៨ ជនសង្ស័យបានធ្វើការចាប់រំលោភជនរងគ្រោះនៅលើផ្ទះបានសម្រេច ខណៈស្ត្រីជាប្រពន្ធ និងជាម្ដាយជនរងគ្រោះ បានចុះទៅធ្វើនំផ្លែអាយនៅក្រោមផ្ទះ។ លុះ ម៉ោង០៧ និង២០នាទីព្រឹក ថ្ងៃដដែលជនសង្ស័យក៏បានចាប់ជនរងគ្រោះប៉ុនប៉ងរំលោភម្ដងទៀត តែត្រូវប្រពន្ធឡើងទៅឃើញទាន់ ប្តីកំពុងតែចាប់ឱបកូនទើបបែករឿងនេះ។
តាមការសាកសួរក្មេងស្រីបានរៀបរាប់ប្រាប់ម្តាយខ្លួនថា ឪពុកចុងធ្លាប់បានចាប់រំលោភនាងតាំងពីឆ្នាំ២០១៦ម្តងរួចហើយ តែនាងមិនហ៊ាននិយាយព្រោះ ជនសង្ស័យឈ្មោះ ប្រាក់ អ៊ាន ជាឪពុកចុង តែងតែប្រើពាក្យសម្ដីគំរាមកំហែងនាងថា អារកសម្លាប់ចោល នៅពេលបែកការរឿងនេះ។ ក្នុងនោះដែរជនសង្ស័យសារភាពថា ខ្លួនពិតជាបានធ្វើ សកម្មភាពរំលោភ សេពសន្ថវៈកូនចុងពិតប្រាកដមែន។ យោងទៅលើពាក្យបណ្តឹងរបស់អាណាព្យាបាលជនរងគ្រោះ ស្តាប់ការរៀបរាប់ក្មេងស្រីនៅជាអនិតិជន និងចម្លើយសារភាពរបស់ចុងចោទ យល់ឃើញថា ជនសង្ស័យពិតជាជាប់ពាក់ពន្ធបទរំលោភសេពសន្ថវៈប្រាកដមែន។ សមត្ថកិច្ចបានកសាងសំណុំរឿង បញ្ជូនជនសង្ស័យទៅកាន់សាលដំបូងខេត្តតាមនីតិវិធី៕
ចែករំលែកព័តមាននេះ