សហរដ្ឋអាមេរិក ៖ ឯកអគ្គរដ្ឋទូតអាមេរិក ប្រចាំ អ.ស.ប លោកស្រីនីកគី ហាឡី កាលពីថ្ងៃទី១៨ មករា បានសម្តែងការសោកស្តាយរបស់លោកស្រីនៅចំពោះមុខបណ្តាឯកអគ្គរដ្ឋទូតអាហ្វ្រិក…
សហរដ្ឋអាមេរិក ៖ ឯកអគ្គរដ្ឋទូតអាមេរិក ប្រចាំ អ.ស.ប លោកស្រីនីកគី ហាឡី កាលពីថ្ងៃទី១៨ មករា បានសម្តែងការសោកស្តាយរបស់លោកស្រីនៅចំពោះមុខបណ្តាឯកអគ្គរដ្ឋទូតអាហ្វ្រិក ដែលនិយាយពីពាក្យពេចន៍ប្រមាថរបស់ប្រធានាធិបតី លោកដូណាល់ ត្រាំ ទាក់ទិនរឿងអន្តោប្រវេសន៍ ។
តាមសំណើរបស់លោកស្រីផ្ទាល់ដែលលោក ស្រីនីកគី ហាឡី ជួបជាមួយបណ្តាឯកអគ្គរដ្ឋទូតអាហ្វ្រិកប្រចាំ អ.ស.ប ដែលបានចេញផ្សាយកាលពីថ្ងៃទី១២ មករា នូវសេចក្តី
ប្រកាសមួយប្រើពាក្យពេចន៍ធ្ងន់ៗបំផុត ទាមទារឱ្យមានការសុំទោសរបស់ប្រធានាធិបតីអាមេរិក ចំពោះសម្តីប្រកាន់ពូជសាសន៍ ដែលលោកថ្លែងកាលពីមួយសប្តាហ៍មុននាឱកាសនៃកិច្ចប្រជុំមួយនៅសេតវិមាន ។
ឯកអគ្គរដ្ឋទូតអាមេរិករូបនេះ ពុំបានសុំទោសទេពេលជួបជាសម្ងាត់ជាមួយឯកអគ្គរដ្ឋទូតអាហ្វ្រិកទាំងនេះ តែសម្តែងការសោកស្តាយ ។ លោកស្រីនីកគីហាឡី ពោលទៅកាន់ឯកអគ្គរដ្ឋទូតទាំងនោះថា លោកស្រីពុំបាននៅឯសេតវិមានឡើយ ហើយលោកស្រីពុំប្រាកដដែរចំពោះអ្វីដែលលោកត្រាំនិយាយ តែលោកស្រីសោកស្តាយចំពោះសភាពការណ៍នេះ ។
លោក ANATOLIO NDONG MBA ឯកអគ្គរដ្ឋទូតហ្គីណេអេក្វាទ័រប្រចាំ អ.ស.ប និយាយថា ក្រុមអាហ្វ្រិកបានធ្វើអនុសាសន៍មួយដល់លោកស្រីនីកគី ហាឡី សម្រាលភាពតានតឹងដោយលោកស្រីសន្យាថានឹងពុំនាំអនុសាសន៍នេះជូនដល់លោកត្រាំ ។
យោងតាមពួកអ្នកការទូតថា គេបានស្នើដល់លោកត្រាំឱ្យបញ្ជូនសារមិត្តភាពមួយចំពោះបណ្តាមេដឹកនាំអាហ្វ្រិកនាឱកាសកិច្ចប្រជុំកំពូលអាហ្វ្រិកនាទីក្រុងអាឌីស អាបេបា នាពេលខាងមុខនេះ ដើម្បីជាសញ្ញានៃសុឆន្ទៈ ៕
ចែករំលែកព័តមាននេះ