ប្រទេសប្រេស៊ីល ៖ ប៉ូលិសនិយាយថា រថយន្តមួយគ្រឿងដែលបើកយ៉ាងលឿនកាលពីថ្ងៃទី១៨ មករា បានរេចង្កូតឡើងលើចិញ្ចើមថ្នល់នៅ COPACABANA តំបន់កម្សាន្តមាត់សមុទ្រពេញនិយមនៃទីក្រុងរីយ៉ូដឺហ្សានីរ៉ូ ដោយសម្លាប់កូនង៉ែតម្នាក់អាយុទើប៨ខែ ហើយមនុស្ស១៥នាក់រងរបួស ។ ប៉ូលិសថា នេះជាគ្រោះថ្នាក់មួយពុំមែនជាការវាយប្រហារភេរវកម្មឡើយ ។
បណ្តាអ្នកដើរលើចិញ្ចើមថ្នល់រងរបួសមានរដូករណែល ដែលនាំឱ្យគេនឹកឃើញដល់ការវាយប្រហារភេរវកម្មនាពេលថ្មីៗនេះប្រើរថយន្តបំបុកមនុស្សម្នា ។ ទោះបីយ៉ាងណា តាមមើលទៅឧប្បត្តិហេតុនៅ COPACABANA ប្រហែលពុំមែនជាការវាយប្រហារភេរវកម្មទេ ។
អ្នកបើករថយន្តបុករះមនុស្សនេះត្រូវប៉ូលិសចាប់ខ្លួនក្រោយប៉ុនប៉ងរត់គេចខ្លួន ។ ជននេះនិយាយថា គេកើតជំងឺឆ្កួតជ្រូក ។ ថ្នាំប្រឆាំងជំងឺឆ្កួតជ្រូកត្រូវបានគេប្រទះឃើញក្នុងរថយន្តរបស់គេ ៕
ចែករំលែកព័តមាននេះ