សារព័ត៌មានបរទេសកាលពីពេលថ្មីៗកន្លងមកផ្សាយថា រថយន្តមួយគ្រឿងផ្លោងទៅបុកទម្លុះបរិវេណជាន់ទី២នៃអគារមួយក្នុងក្រុងសានតាអាណា រដ្ឋកាលីហ្វ៊័រនីញ៉ា សហរដ្ឋអាមេរិក ប៉ុន្តែសំណាងល្អគ្មាននរណាម្នាក់រងរបួសទេ ។ ចំណែកអ្នកបើកបររថយន្តត្រូវចាប់ខ្លួន និងបានសារភាពថារូបគេប្រើថ្នាំញៀន ។ នេះបើតាមការឱ្យដឹងពីប៉ូលិសនៅក្រុងសានតាអាណា…
សារព័ត៌មានបរទេសកាលពីពេលថ្មីៗកន្លងមកផ្សាយថា រថយន្តមួយគ្រឿងផ្លោងទៅបុកទម្លុះបរិវេណជាន់ទី២នៃអគារមួយក្នុងក្រុងសានតាអាណា រដ្ឋកាលីហ្វ៊័រនីញ៉ា សហរដ្ឋអាមេរិក ប៉ុន្តែសំណាងល្អគ្មាននរណាម្នាក់រងរបួសទេ ។ ចំណែកអ្នកបើកបររថយន្តត្រូវចាប់ខ្លួន និងបានសារភាពថារូបគេប្រើថ្នាំញៀន ។
នេះបើតាមការឱ្យដឹងពីប៉ូលិសនៅក្រុងសានតាអាណា ។
ប៉ូលិសបានទទួលសេចក្តីរាយការណ៍មួយបញ្ជាក់ថា នៅវេលាម៉ោងប្រហែល៥ និង២៥នាទីព្រឹកថា កើតគ្រោះថ្នាក់ចរាចរណ៍មួយនៅលើដងផ្លូវភាគខាងកើតនៃទីក្រុង និងតាមលទ្ធភាពនៃការស៊ើបអង្កេតឃើញថា ជនល្មើសបានបើកបររថយន្តម៉ាក«ស៊ីដាន» (Sedan) ពណ៌ស ក្នុងល្បឿនលឿននៅលើដងផ្លូវ«French» ប៉ុន្តែកើតឧប្បត្តិហេតុមួយដោយរថយន្តផ្លោងហោះពីលើរបាំងផ្លូវឡើងខ្ពស់ធ្វើឱ្យរថយន្តហោះទៅក្នុងលំហជ្រុលទៅបុកអគារមួយត្រង់ជាន់ទី២ ។
ក្រោយពេលកើតហេតុ ប៉ូលិសបានយករថយន្តជួយសង្គ្រោះពីក្រុងឡូសអេនចឺឡេស ទៅយករថយន្តចេញពីអគារដោយសុវត្ថិភាព ប៉ុន្តែមិនបានបង្ហាញថា តើជនល្មើសរូបនោះត្រូវដំណើរការរឿងក្តីពីការចោទប្រកាន់អ្វីនៅឡើយទេ ៕
ចែករំលែកព័តមាននេះ