ខេត្តពោធិ៍សាត់ ៖ បុរសម្នាក់បានចាប់ក្មេងស្រីសិស្សសាលារំលោភក្នុងព្រៃក្បែរផ្លូវរទេះ ប៉ុន្តែដោយសារមានគេមកជួយទាន់ ធ្វើឲ្យការរំលោភមិនបានសម្រេច ។ ហេតុការណ៍នេះកើតឡើងនៅវេលាម៉ោង៧យប់កាលពីថ្ងៃទី១៨ ខែមករា ឆ្នាំ២០១៨ នៅស្រុកភ្នំក្រវាញ…
ខេត្តពោធិ៍សាត់ ៖ បុរសម្នាក់បានចាប់ក្មេងស្រីសិស្សសាលារំលោភក្នុងព្រៃក្បែរផ្លូវរទេះ ប៉ុន្តែដោយសារមានគេមកជួយទាន់ ធ្វើឲ្យការរំលោភមិនបានសម្រេច ។ ហេតុការណ៍នេះកើតឡើងនៅវេលាម៉ោង៧យប់កាលពីថ្ងៃទី១៨ ខែមករា ឆ្នាំ២០១៨ នៅស្រុកភ្នំក្រវាញ ។
ជនសង្ស័យដែលឃាត់ខ្លួនឈ្មោះង៉ុយ អ៊ី ភេទប្រុស អាយុ២២ឆ្នាំ សម្រាកព្យាបាលនៅមន្ទីរពេទ្យបង្អែកខេត្តពោធិ៍សាត់ ក្រោមការការពាររបស់សមត្ថកិច្ច ។ ចំណែកនារីជាគូដណ្ដឹងរបស់ជនសង្ស័យឈ្មោះ ឌីន ដេ អាយុ១៩ឆ្នាំ របួសធ្ងន់ និងបុរសដែលជួយក្មេងស្រីរងគ្រោះឈ្មោះ យី ប៉េស អាយុ២១ឆ្នាំ ទាំងពីរនាក់បញ្ជូនទៅសង្គ្រោះនៅឯភ្នំពេញ ។
សមត្ថកិច្ចស្រុកភ្នំក្រវាញឲ្យដឹងថា ក្មេងស្រីរងគ្រោះនាងមានអាយុ១៣ឆ្នាំ ជាសិស្ស នៅថ្ងៃកើតហេតុនាងបានដើរចេញពីសាលាទៅផ្ទះម្នាក់ឯង ស្រាប់តែនៅវេលាម៉ោង១១និង៣០នាទី ខណៈពេលដែលក្មេងស្រីរងគ្រោះកំពុងដើរម្នាក់ឯងតាមផ្លូវរទេះ ដែលមានព្រៃព្រិចអមសងខាងផ្លូវហើយមានសភាពស្ងាត់ទៀតផង ។ លុះទៅដល់ចំណុចកើតហេតុខាងលើបានជួបជាមួយបុរសម្នាក់ ឃើញឪកាសល្អ បុរសរូបនោះបានចាប់នាងអូសចូលក្នុងព្រៃ ដើម្បីរំលោភ ។
ខណៈពេលកំពុងធ្វើសកម្មភាពចាប់រំលោភ ស្រាប់តែមានបុរស០៣នាក់ ដើររកក្របី ឮសម្លេងក្មេងស្រីស្រែកក៏រត់មកជួយ ពេលនោះបុរសល្មោភកាម ខឹងក៏ដេញចាក់ឲ្យរបួសធ្ងន់ម្នាក់ ហើយនៅពេលបុរសទាំង០៣នាក់រត់ទៅបាត់ ជនសង្ស័យបានត្រឡប់មកចាក់ក្មេងស្រីរងគ្រោះមួយកាំបិតចំក្រោមដោះ បណ្ដាលឲ្យស្លាប់ភ្លាមៗនៅនឹងកន្លែងកើតហេតុ រួចហើយគេចខ្លួនបាត់ ។ លុះនៅវេលាម៉ោង០៧យប់ ជនសង្ស័យបានទៅចាក់គូរដណ្ដឹងដែលកំពុងនៅក្នុងផ្ទះមួយកាំបិត ចំក្រោមដោះដូចគ្នា រួចហើយចាក់ពោះខ្លួនឯង បណ្ដាលឲ្យរបួសធ្ងន់ទាំងពីរនាក់ ពេលនោះសមត្ថកិច្ចក៏មកដល់ឃាត់ខ្លួនបានតែម្ដង ។
សមត្ថកិច្ចឲ្យដឹងថា សពជនរងគ្រោះបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ហើយសមត្ថកិច្ចកំពុងស្រាវជ្រាវករណីនេះ ដើម្បីដឹងពីការពិត ៕
ចែករំលែកព័តមាននេះ