រដ្ឋបាលខេត្តកំពង់ចាមមានគម្រោងដាំត្នោតជាង៥ពាន់គ្រាប់អមសងខាងបឹងវាម
- កំពង់ចាម
ខេត្តកំពង់ចាម ៖ លោក លឹម គានហោ រដ្ឋមន្ត្រីក្រសួងធនធានទឹក និងឧតុនិយមកាលពីល្ងាចថ្ងៃទី១៥ ខែមករា ឆ្នាំ២០១៨ បានអនុញ្ញាតឧ្យលោក…
ខេត្តកំពង់ចាម ៖ លោក លឹម គានហោ រដ្ឋមន្ត្រីក្រសួងធនធានទឹក និងឧតុនិយមកាលពីល្ងាចថ្ងៃទី១៥ ខែមករា ឆ្នាំ២០១៨ បានអនុញ្ញាតឧ្យលោក…
ខេត្តកំពង់ចាម ៖ លោក លឹម គានហោ រដ្ឋមន្ត្រីក្រសួងធនធានទឹក និងឧតុនិយមកាលពីល្ងាចថ្ងៃទី១៥ ខែមករា ឆ្នាំ២០១៨ បានអនុញ្ញាតឧ្យលោក គួច ចំរើន អភិបាលនៃគណៈអភិបាលខេត្តកំពង់ចាម និងសហការីចូលជួបសំដែងការគួរសម និងពិភាក្សាការងារ ។
នៅក្នុងជំនួបខាងលើលោកអភិបាលខេត្តបានថ្លែងអំណរគុណដល់ក្រសួងធនធានទឹក និងឧតុនិយមពិសេសចំពោះលោករដ្ឋមន្ត្រីផ្ទាល់ដែលបានជួយអភិវឌ្ឍហេដ្ឋារចនាសម្ព័ន្ធធារាសាស្ត្រក្នុងខេត្តកំពង់ចាមដែលតាមរយៈប្រព័ន្ធធារាសាស្ត្រទាំងនេះបានជំរុញឱ្យការងារបង្កបង្កើនផលរបស់ប្រជាកសិករទទួលបានទិន្នផលល្អជួយលើកកំពស់កំរិតជីវភាពរស់នៅរបស់ប្រជាពលរដ្ឋ ។
ក្នុងជំនួបនោះលោក គួច ចំរើន បានស្នើសុំដល់ឯកឧត្តមរដ្ឋមន្ត្រីឱ្យជួយកសាងប្រព័ន្ធថ្មីៗបន្ថែមទៀត និងបានស្នើសុំនូវអនុសាសន៍មួយចំនួនពីលោករដ្ឋមន្ត្រីដើម្បីជាទុនបន្ថែមសម្រាប់ការរៀបចំផែនការអភិវឌ្ឍន៍ខេត្តកំពង់ចាមឧ្យកាន់តែមានការរីកចម្រើន និងក៏បានស្នើសុំការគាំទ្រពីឯកឧត្តមរដ្ឋមន្ត្រីលើគម្រោងដាំត្នោតប្រមាណជា៥២៥២ដើមនៅអមសងខាងទំនប់បឹងវាមស្ថិតនៅក្នុងស្រុកស្រីសន្ធរដើម្បីប្រែក្លាយទំនប់នេះឱ្យទៅជាតំបន់ទេសចរណ៍នៅថ្ងៃអនាគត ។
លោក លឹម គានហោ បានលើកឡើងផងដែរថា ខេត្តកំពង់ចាមគួររៀបចំតំបន់មួយដែលបង្ហាញពីការផ្សារភ្ជាប់ជីវភាពរស់នៅរបស់ប្រជាពលរដ្ឋទៅនឹងដើមត្នោតគឺចាប់តាំងពីចំណុចឡើងយកទឹកត្នោតរហូតទៅដល់ការផលិតចេញជាស្ករត្នោតនំត្នោត និងសម្ភារប្រើប្រាស់ផ្សេងៗដែលផលិតពីត្នោត ។
សូមបញ្ជាក់ថា បឹងវាមគឺជាបឹងមួយស្ថិតនៅក្នុងស្រុកស្រីសន្ធរ ខេត្តកំពង់ចាម ត្រូវបានគេនិយាយថា មានជាប់ពាក់ព័ន្ធទៅនឹងរឿងរ៉ាវប្រវត្តិសាស្ត្ររបស់ស្តេចកនដែលត្រូវបានសត្រូវចាប់ខ្លួនក្នុងពេលមកបង់សំណាញ់យកត្រីនៅក្នុងបឹងនេះ ។ បឹងវាម ស្ថិតនៅមានឆ្ងាយប៉ុន្មានពីប្រាសាទបុរាណមួយដែលគេហៅថាប្រាសាទទួលបាសាន ។ ចំពោះគម្រោងដាំ(កប់)គ្រាប់ត្នោតនៅតាមជើងទំនប់បឹងវាមនេះប្រមាណជា៥២៥២គ្រាប់ដែលគ្រោងធ្វើនៅអំឡុងពាក់កណ្តាលខែមីនា ឆ្នាំ២០១៨នេះ ៕
ចែករំលែកព័តមាននេះ