រាជធានីភ្នំពេញ ៖ អ្នកជួញដូរ និងប្រើប្រាស់គ្រឿងញៀនចំនួន៣នាក់ ត្រូវបានកម្លាំងនរគបាលខណ្ឌពោធិ៍សែនជ័យធ្វើការបង្ក្រាប និងចាប់ខ្លួនបានក្រោយពីការស្រាវជ្រាវ និងកំណត់បានមុខសញ្ញាច្បាស់លាស់ ។ ការចាប់ខ្លួននេះបានធ្វើឡើងកាលពីវេលាម៉ោង១១និង៣០នាទីស្ថិតនៅក្នុងភូមិតាងួន សង្កាត់កកាប១ ខណ្ឌពោធិ៍សែនជ័យ ។
ជនសង្ស័យដែលត្រូវចាប់ខ្លួនទី១-ឈ្មោះសុខ តួ ភេទប្រុស អាយុ២៥ឆ្នាំ មុខរបរមិនពិតប្រាកដ ស្នាក់នៅភូមិចំការឪឡឹក សង្កាត់កាកាប១ ខណ្ឌពោធិសែនជ័យ និងមានស្រុកកំណើតនៅក្នុងភូមិធំថ្មី ឃុំដងទង់ ស្រុកដងទង់ ខេត្តកំពត ។ ទី២-ឈ្មោះស្រ៊ាង វ៉ាន់ដា ភេទស្រី អាយុ២៦ឆ្នាំ មុខរបរមិនពិតប្រាកដស្នាក់នៅភូមិតាងួន សង្កាត់កាកាប១ ទី៣- ឈ្មោះ ឡុង ប៉ុច ភេទទី៣( ខ្ទើយ) អាយុ៣៩ឆ្នាំ ស្នាក់នៅក្នុងភូមិខាងលើ ។
ព័ត៌មានបានឲ្យដឹងថា នៅមុនពេលចាប់កម្លាំងនគរបាលខណ្ឌបានធ្វើការស្រាវជ្រាវ ហើយត្រូវបានប្រជាពលរដ្ឋលួចខ្សឹបប្រាប់ពីមុខសញ្ញាជនសង្ស័យ និងទីតាំងដែលពួកគេកំពុងលាក់ខ្លួនធ្វើសកម្មភាពជួញដូរ និងប្រើប្រាស់គ្រឿងញៀន ។ បន្ទាប់ពីបានដឹងច្បាស់ហើយ កម្លាំងបានចុះទៅបង្ក្រាប និងចាប់ខ្លួនភ្លាមៗដែលចាប់បានចំនួន៥នាក់ ប៉ុន្តែបន្ទាប់ពីការសាកសួរ និងត្រួតពិនិត្យ ទើបដឹងថាអ្នកជួញដូរ និងប្រើប្រាស់គ្រឿងញៀនមានតែ៣នាក់ប៉ុណ្ណោះ ចំណែក២នាក់ទៀត មិនមានការជាប់ពាក់ព័ន្ធនោះឡើយ ។ កម្លាំងនគេបាលបានដកហូតបានគ្រឿងញៀនចំនួន៤កញ្ចប់ រួចបាននាំពួកគេទៅកាន់ប៉ុស្ដិ៍ធ្វើការសាកសួរ និងកសាងសំណុំរឿង ។
ក្រោយពេលចាប់ខ្លួននគរបាលបានបញ្ជូនជនសង្ស័យខាងលើទៅកាន់ផ្នែកព្រហ្មទណ្ឌខណ្ឌពោធិ៍សែនជ័យ ដើម្បីសាកសួរ និងកសាងសំណុំរឿងចាត់ការតាមច្បាប៕
ចែករំលែកព័តមាននេះ