រាជធានីភ្នំពេញ ៖ បុរសជាមេការសំណង់ម្នាក់បានជិះម៉ូតូធុនធំក្នុងល្បឿនលឿន មកដល់ចំណុចផ្លូវងងឹងបានជ្រុលទៅបុកនឹងម៉ូតូសណ្តោងរ៉ឺម៉ក ដែលធ្វើដំណើរក្នងទិសដៅស្របគ្នា ចំពីក្រោយពេញទំហឹង បណ្ដាលឲ្យអ្នកបើកម៉ូតូដួលបោកក្បាលផុងលលាដ៍ក្បាលស្លាប់នៅកន្លែងកើតហេតុ ចំណែកអ្នកបើកម៉ូតូសណ្តោងរ៉ឺម៉ករងរបួសស្រាល ហេតុការណ៍នេះបានកើតឡើងនៅវេលាម៉ោង០៩យប់ ថ្ងៃទី១៨…
រាជធានីភ្នំពេញ ៖ បុរសជាមេការសំណង់ម្នាក់បានជិះម៉ូតូធុនធំក្នុងល្បឿនលឿន មកដល់ចំណុចផ្លូវងងឹងបានជ្រុលទៅបុកនឹងម៉ូតូសណ្តោងរ៉ឺម៉ក ដែលធ្វើដំណើរក្នងទិសដៅស្របគ្នា ចំពីក្រោយពេញទំហឹង បណ្ដាលឲ្យអ្នកបើកម៉ូតូដួលបោកក្បាលផុងលលាដ៍ក្បាលស្លាប់នៅកន្លែងកើតហេតុ ចំណែកអ្នកបើកម៉ូតូសណ្តោងរ៉ឺម៉ករងរបួសស្រាល ហេតុការណ៍នេះបានកើតឡើងនៅវេលាម៉ោង០៩យប់ ថ្ងៃទី១៨ ខែមករា ឆ្នាំ២០១៨ ចំណុចតំបន់វាលស្ងាត់ផ្លូវ៦០ម៉ែត្រ ភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ ។
សពជនរងគ្រោះមានឈ្មោះ ហ៊ុន តុលា ភេទប្រុស អាយុ២៩ឆ្នាំ មុខរបរមេការសំណង់ ស្នាក់នៅផ្ទះជួល សង្កាត់ចាក់អង្រែក្រោម ខណ្ឌមានជ័យ មានស្រុកកំណើតនៅឃុំបារាយ ស្រុកបារាយ ខេត្តកំពង់ធំ ជិះម៉ូតូធុនធំម៉ាក YAMAHA FZ ពណ៌ខ្មៅ ពាក់ស្លាកលេខ ភ្នំពេញ ១BV-២៦៥៦ ។ ចំណែកម្ចាស់រ៉ឺម៉កក៏មិនទាន់អត្តសញ្ញាណ ដោយសារស្រវឹងខ្លាំងពេក ។
តាមប្រភព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ គេបានឃើញបុរសម្នាក់វ័យជាង៤០ឆ្នាំ បានបើកម៉ូតូសណ្តោងរ៉ឺម៉ក អត់មានស្លាកលេខ និងភ្លើងបំភ្លឺផ្លូវបានធ្វើដំណើរតាមផ្លូវ៦០ម៉ែត្រ ក្នុងទិសដៅពីត្បូងទៅជើង ខណៈមកដល់ចំណុចកើតហេតុ ដែលជាផ្លូវស្ងាត់ ហើយងងឹតទៀតនោះ ក៏ស្រាប់តែមានបុរសម្នាក់វ័យ៤០ឆ្នាំ មិនដឹងថាគោលបំណងទៅណានោះទេ គឺបានជិះម៉ូតូធុនធំម៉ាក YAMAHA FZ ពណ៌ខ្មៅ ធ្វើដំណើរក្នងទិសដៅស្របគ្នា ក្នុងល្បឿនលឿនដូចហោះ ហើយណាមួយផ្លូវងងឹតផងនោះ បានជ្រុលទៅបុកនឹងម៉ូតូសណ្ដោងរ៉ឺម៉កពីក្រោយពេញទំហឹង បណ្ដាលឲ្យអ្នកបើកម៉ូតូហោះប្លោងបោកក្បាលផុងលលាដ៍ក្បាលស្លាប់នៅកន្លែងកើតហេតុ គួរឲ្យអាណោចអាធ័មបំផុត ។ ចំណែកម៉ូតូវិញរងការខូចខាតខ្ទេចផ្នែកខាងមុខស្ទើរតែទាំងស្រុង ។
ដោយឡែកអ្នកបើកម៉ូតូសណ្ដោងរ៉ឺម៉កវិញរងរបួសក្រឡិតមុខមាត់តិចតួច មិនបានទៅមន្ទីពេទ្យនោះទេ ពេលសមត្ថកិច្ចហៅសួរនាំ ស្រាប់តែបុរសជាអ្នកម៉ូតូសណ្ដោងរ៉ឺម៉កធំក្លិនស្រាហួង ហើយនិយាយស្តីវង្វេងវង្វាន់លែងដឹងអ្វីទាំងអស់ ក៏ត្រូវសមត្ថកិច្ចឃាត់ខ្លួនផងដែរ ។
ក្រោយពេលកើតហេតុ ឃើញមានសមត្ថកិច្ចជំនាញបានចុះទៅកន្លែងកើតហេតុ រួចហើយបានទំនាក់ទំនងទៅខាងជំនាញចរាចរណ៍ក្រុងឲ្យមក ធ្វើលិខិតប្រគល់សពជនរងគ្រោះឲ្យក្រុមគ្រួសារសាច់ញាតិយកទៅធ្វើបុណ្យនៅស្រុកកំណើតខេត្តកំពង់ធំ ។
ចំណែកម៉ូតូ និងរ៉ឺម៉ក ព្រមទាំងអ្នកបើករ៉ឺម៉កសណ្ដោង ត្រូវសមត្ថកិច្ចធ្វើការវាស់វែងយកម៉ូតូរក្សារទុកនៅការរិយាល័យចរាចរណ៍ជើងគោករាជធានីភ្នំពេញ ដើម្បីរង់ចាំធ្វើការដោះស្រាយ ៕
ចែករំលែកព័តមាននេះ