ខេត្តបន្ទាយមានជ័យ ៖ សពស្ត្រីម្នាក់ត្រូវបានភាគីថៃបញ្ជូនតាមច្រកទ្វារតំបន់ម៉ាឡៃប្រគល់ឲ្យសាច់ញាតិកាលពីយប់ថ្ងៃទី១៧ ខែមករា ឆ្នាំ២០១៨ ក្រោយស្លាប់សង្ស័យដោយអំពើរឃាតកម្មនៅខេត្តប្រាជីនបូរី ប្រទេសថៃ ។
ស្ត្រីរងគ្រោះឈ្មោះ ខិល ណារី អាយុ៣៥ឆ្នាំ ជាកម្មករផ្នែកខាងចិញ្ចឹមត្រីឲ្យជនជាតិថៃ ក្នុងហេតុកើតហេតុខាងលើ និងមានទីលំនៅភូមិចំបក់ ឃុំបឹងបេង ស្រុកម៉ាឡៃ ខេត្តបន្ទាយមានជ័យ ។ ប្តីជនរងគ្រោះឈ្មោះ ងឹន រតនា អាយុ៤២ឆ្នាំ ពេលនេះកំពុងឆ្លងព្រំដែនទៅជួបមន្ត្រីកុងស៊ុលខ្មែរប្រចាំស្រុកអារញ្ញ ខេត្តស្រះកែវ ខណៈសពកំពុងធ្វើបុណ្យ ។
សាច់ញាតិសពប្រាប់ កោះសន្តិភាព ថាការស្លាប់របស់ជនរងគ្រោះអាចជាអំពើរឃាតកម្ម ព្រោះលើរាងកាយមានស្នាមជាំលើផ្ទៃមុខ ជាំដៃ និងច្របាច់.ក ។ សាច់ញាតិបន្តថា បុរសជាប្តីក្រោកទៅធ្វើការម៉ោងប្រហែល៤ទាបភ្លឺ លុះម៉ោងជាង១១ថ្ងៃកើតហេតុដើររកប្រពន្ធក៏ប្រទះឃើញក្នុងទឹកស្រះចិញ្ចឹមត្រីជាប់បន្ទប់ស្នាក់នៅសង្ស័យគេវាយសម្លាប់រួចលើកទម្លាក់ទឹក ។ សាច់ញាតិប្រាប់ថា ជនសង្ស័យខ្មែរ៣ទៅ៤នាក់ត្រូវបានសមត្ថកិច្ចថៃហៅសួរនាំ ប៉ុន្តែមិនដឹងថា ជាប់ពាក់ព័ន្ធឬយ៉ាងណានោះទេ ៕
ចែករំលែកព័តមាននេះ