សហរដ្ឋអាមេរិក ៖ គ្រូពេទ្យប្រចាំសេតវិមានថ្លែងកាលពីថ្ងៃទី១៦ មករា ថា ប្រធានា ធិបតីលោកដូណាល់ ត្រាំ មានស្ថានភាពធម្មតាពេលធ្វើតេស្តលើការចងចាំនៃខួរក្បាល ហើយលោកមានសុខភាពប្រសើរបំផុត…
សហរដ្ឋអាមេរិក ៖ គ្រូពេទ្យប្រចាំសេតវិមានថ្លែងកាលពីថ្ងៃទី១៦ មករា ថា ប្រធានា
ធិបតីលោកដូណាល់ ត្រាំ មានស្ថានភាពធម្មតាពេលធ្វើតេស្តលើការចងចាំនៃខួរក្បាល ហើយលោកមានសុខភាពប្រសើរបំផុត ទោះបីលោកទម្លាប់បរិភោគអាហារពុំសូវចេះតមក្តី ។
គ្រូពេទ្យរូបនេះ លោក RONNY JACKSON នៅមុខបណ្តាអ្នកកាសែត ដែលចង់ដឹងពីស្ថានភាពសុខភាពរបស់លោកត្រាំ ក្រោយពេលត្រួតពិនិត្យសុខភាពលើកដំបូងរបស់លោកចាប់តាំងពីចូលកាន់កាប់សេតវិមានមក អះអាងថា សរុបមកសុខភាពរបស់ប្រធានាធិបតីល្អប្រសើរទាំងព្រមតែម្តង ។ សុខភាពលោកល្អប្រសើរក៏មកពីការមិនពិសាបារី ឬស្រាទាំងស្រុងដែរ ។
លោក JACKSON បន្តថា ប្រធានាធិបតីមានស្មារតីរហ័សរហួនគ្មានអ្វីប៉ះពាល់ឡើយ ។ លោកពិតជាមានសុខភាពប្រសើរក្នុងការកាន់តំណែងប្រធានាធិបតី ហើយគឺរូបលោកខ្លួនឯងដែលទាមទារឱ្យមានការធ្វើតេស្តលើការចងចាំ ។
តុល្យការនៃការពិនិត្យសុខភាពរបស់លោកត្រាំ ចាប់ធ្វើកាលពីថ្ងៃទី១២ មករា មកគឺមួយសប្តាហ៍ក្រោយការចេញសៀវភៅវាយប្រហារលោកមានចំណងជើងថា «FIRE AND FURY : INSIDE THE TRUMP WHITE HOUSE» ដោយក្នុងសៀវភៅនេះអ្នកនិពន្ធលោក MICHAEL WOLFF ក៏លើកពីបញ្ហាសុខភាពនៃខួរក្បាលរបស់លោកត្រាំ ព្រមទាំងសមត្ថភាពកាន់កាប់តំណែងប្រធានាធិបតីផងដែរ ។
លោក JACKSON អះអាងថា ខ្ញុំគិតថា ប្រធានាធិបតីនឹងមានលទ្ធភាពគ្រប់គ្រាន់ក្នុងការដឹកនាំរហូតដល់ផុតអាណត្តិរបស់លោករហូតដល់អាណត្តិ៤ឆ្នាំមួយទៀតផង បើលោកជាប់ឆ្នោតជាថ្មី ។ លោកថា លោកត្រាំ ពុំមានសញ្ញាណាមួយនៃជំងឺ ALZHEIMER ឬជំងឺឯទៀតៗទៀត ។ លោកមានថាមពលល្អ ទោះបីលោកសម្រាន្តបានតិចត្រឹម៤ទៅ៥ម៉ោងក្នុងមួយយប់ក្តី ៕
ចែករំលែកព័តមាននេះ