ស្ត្រីម្នាក់ត្រូវតុលាការចោទថា បានដាក់ថ្នាំបំពុលចៅហ្វាយស្រី បណ្តាលឱ្យស្លាប់បាត់បង់ជីវិត ហើយសម្រេចដាក់គុករយៈពេល២៣ឆ្នាំ ។ ទោះជាយ៉ាងណាក្តីចុងចោទនិយាយនៅចំពោះមុខតុលាការថា ខ្លួនជាជនស្លូតត្រង់ ។
រឿងក្តីនោះកើតឡើងនៅខណ្ឌអូណៃដា ក្រុងអ៊ូទីកា រដ្ឋញូវយ៉ក សហរដ្ឋអាមេរិក ។ នាងKaitlyn Conley ជាបុគ្គលិកទទួលភ្ញៀវរបស់ក្រុមហ៊ុន«Whitesboro»ដែលបើកម៉ាស្សាព្យាបាលអាការឈឺចាប់តាមសន្លាក់ ត្រូវចាប់ខ្លួន ខណៈពេលប្រើថ្នាំ «Colchicine» បំពុលសម្លាប់លោកស្រី Mary Yoder អាយុ៦០ឆ្នាំជាចៅហ្វាយរបស់ខ្លួន ។
រឿងក្តីបញ្ចប់ បន្ទាប់ពីការសាកសួរកាលពីខែឧសភា ឆ្នាំ២០១៧ ក្រោយមកនៅថ្ងៃទី១១ មករា ២០១៨ ចុងចោទត្រូវបានសម្រេចឲ្យជាប់គុករយៈពេល២៣ឆ្នាំ ពីកំហុសសម្លាប់មនុស្សដោយប្រមាថ ។
លោក William Yoder ប្តីរបស់ស្ត្រីរងគ្រោះ និងលោក Adam Yoder ត្រូវជាកូនប្រុសបានទាមទារឱ្យចៅក្រមត្រូវដាក់ទោសរយៈពេលយូរចំពោះចុងចោទ ។ ក្រុមគ្រួសារស្ត្រីរងគ្រោះមានជំនឿថា នាង Kaitlyn Conley សម្លាប់លោកស្រី Mary ព្រោះខឹង Adamកូនប្រុសរបស់គាត់ឈប់ទាក់ទងជាមួយនាង ដូច្នេះហើយនាងសងសឹកដោយសម្លាប់ម្តាយរបស់គូស្នេហ៍ ។
ទោះជាយ៉ាងណាក៏ដោយ ប្អូនស្រីរបស់ស្ត្រីរងគ្រោះគឺនាងជេនីន ឃីង បានបង្ហាញជំនឿចិត្តរបស់ខ្លួនថា ចុងចោទមិនបានដឹងពីការស្លាប់របស់អ្នកស្រី Mary ទេ ទើបស្នើសុំឱ្យតុលាការបន្ធូរបន្ថយទោសដល់នាង ៕
ចែករំលែកព័តមាននេះ