ខេត្តកំពត ៖ ជាងសំណង់ម្នាក់បានឆក់ខ្សែភ្លើងស្លាប់យ៉ាងអាណោចអាធម៌នៅកន្លែងធ្វើសំណង់ ហេតុការនេះបានកើតឡើងកាលពីល្ងាចថ្ងៃទី១៦ ខែមករា ឆ្នាំ២០១៨ នៅផ្ទះធ្វើសំណង់មួយស្ថិតក្នុងភូមិកូនសត្វ ឃុំកូនសត្វ ស្រុកទឹកឈូ ខេត្តកំពត…
ខេត្តកំពត ៖ ជាងសំណង់ម្នាក់បានឆក់ខ្សែភ្លើងស្លាប់យ៉ាងអាណោចអាធម៌នៅកន្លែងធ្វើសំណង់ ហេតុការនេះបានកើតឡើងកាលពីល្ងាចថ្ងៃទី១៦ ខែមករា ឆ្នាំ២០១៨ នៅផ្ទះធ្វើសំណង់មួយស្ថិតក្នុងភូមិកូនសត្វ ឃុំកូនសត្វ ស្រុកទឹកឈូ ខេត្តកំពត ។
ជនរងគ្រោះខាងលើមានឈ្មោះខេង សុខគីន ភេទប្រុស អាយុ៣៦ឆ្នាំ រស់នៅភូមិកូនសត្វ ឃុំកូនសត្វ ស្រុកទឹកឈូ ខេត្តកំពត ។
ស្ត្រីម្ចាស់ផ្ទះឈ្មោះអេន ធា អាយុ២៧ឆ្នាំបានឲ្យដឹងថា មុនពេលកើតហេតុ ជនរងគ្រោះបានយករ៉ូឡូខ្សែភ្លើងមកតខ្សែបន្ថែមទៀតឲ្យវែងវែងជាងមុនបន្តិច ដើម្បីងាយស្រួលយកចរន្តភ្លើងប្រើប្រាស់ដោយម៉ូទ័រស្វានទម្លុះបេតុង គោលបំណងចងដែកចាក់ក្រវ៉ាត់ ។ ខណៈពេលកំពុងតែតភ្ជាប់ចរន្តនោះ ទំនងជាជនរងគ្រោះភ្លេចដកឌុយចេញពីព្រីភ្លើង ទើបពេលកំពុងតភ្ជាប់ក៏ប៉ះនឹងមុខតំណរខ្សែភ្លើងនោះ បណ្តាលឲ្យឆក់ រួចដួលទៅលើចំរឹងដែកសសៃថ្នាំងអំពៅដែលបណ្តុះចេញពីបេតុងសម្រាប់ចាក់ក្រវាត់គ្រឹះជើងសសរ ឃើញសភាពបែបនេះគាត់ក៏ស្រែកហៅក្រុមគ្រួសារជនរង គ្រោះមកជួយបញ្ជូនជនរងគ្រោះទៅមន្ទីរពេទ្យ ។
ស្ត្រីម្ចាស់ផ្ទះបានបញ្ជាក់ថា ករណីនេះកើត ឡើងដោយសារជនរងគ្រោះមានការធ្វេសប្រហែស គឺពេលយករ៉ូឡូភ្លើងមកតខ្សែបន្ថែមមិនបានដកឌុយចេញពីព្រីភ្លើងឡើយ ទើបមានរឿងអកុសលកើតឡើងបែបនេះ ។
សាក្សីនៅកន្លែងកើតហេតុបាឲ្យដឹងថា មុនពេលកើតហេតុជនរងគ្រោះជាមេជាងសំណង់ បានយករ៉ូឡូខ្សែភ្លើងមកតខ្សែមន្ថែមទៀតឲ្យវែង ដើម្បីងាយស្រួលក្នុងការអូសបន្លាយខ្សែទៅស្វានក្រវ៉ាត់បេតុង ។ ប៉ុន្តែមុន និងកាត់ខ្សែភ្លើងត មេជាងនោះភ្លេចដកឌុយចេញពីព្រីភ្លើងទើបពេលកំពុងតខ្សែ បណ្តាលឲ្យឆក់ ហើយដួលផ្ងារមកប៉ះនិងចំរឹងដែកថ្នាំងអំពៅ ដែលបណ្តុះបំរុងចាក់ក្រវ៉ាត់នៅក្បែរនោះ បណ្តាលឲ្យមុតចូលត្រង់ឆ្អឹងជំនីជម្រៅជាងមួយតឹក ពេលនោះម្ចាស់ផ្ទះ និងកម្មករជួយលើកជនរងគ្រោះ ដកចេញពីចំរឹងដែកនោះ ក្រោយមកម្ចាស់ផ្ទះទៅហៅ ក្រុមគ្រួសារពេលមកដល់កន្លែងកើតហេ តុជនរងគ្រោះបានដាច់ខ្យល់ស្លាប់ទៅហើយ ប៉ុន្តែដោយសារតែក្រុមគ្រួសារមិនអស់ចិត្តក្រែងជនគ្រោះសន្លប់ក៏នាំគ្នាដឹកទៅសង្គ្រោះនៅមន្ទីរបន្តទៀត តែដល់មន្ទីរពេទ្យក្រុមគ្រូពេទ្យបានប្រាប់ថា ជនរងគ្រោះបានដាច់ខ្យល់ស្លាប់តាំងពីនៅកន្លែងកើតហេតុឯណោះ ទើបក្រុមគ្រួសារដឹកសពមកផ្ទះវិញ ដើម្បីរៀបចំធ្វើបុណ្យទៅតាមប្រពៃណី ។
ដោយឡែកបើតាមប្រភពពីសាច់ញាតិបានឲ្យដឹងថា មេជាងសំណង់ជាជនរងគ្រោះ បានទទួលម៉ៅការសង់លំនៅដ្ឋានឲ្យអ្នកភូមិនៅកន្លែងកើតហេតុ និងនៅក្នុងភូមិសាស្ត្រខាងលើមានច្រើនកន្លែងណាស់ ស្ទើរតែរាប់ពុំអស់ ហើយមិនដែលជួបគ្រោះអ្វីឡើយ ទើបតែពេលនេះជួបគ្រោះអកុសលស្លាប់យ៉ាងអាណោចអាធម៌គួរឲ្យសោកស្តាយជាទីបំផុត ៕
ចែករំលែកព័តមាននេះ