Zara ពាណិជ្ជករផ្នែកសម្លៀកបំពាក់ដ៏ល្បីនៅលើពិភពលោក រួមទាំង អីុនឌីថេក (Inditex)ជាក្រុមហ៊ុនធំបានប្រកាសកាលពីថ្ងៃទី២៩ វិច្ឆិកា ថា នឹងលុបចោលការប្រើសារធាតុពុលគ្រប់ប្រភេទក្នុងការផលិតទំនិញផ្សេងៗរបស់ក្រុមហ៊ុនទាំងស្រុងនៅក្នុងឆ្នាំ២០២០ ។
Zara ពាណិជ្ជករផ្នែកសម្លៀកបំពាក់ដ៏ល្បីនៅលើពិភពលោក រួមទាំង អីុនឌីថេក (Inditex)ជាក្រុមហ៊ុនធំបានប្រកាសកាលពីថ្ងៃទី២៩ វិច្ឆិកា ថា នឹងលុបចោលការប្រើសារធាតុពុលគ្រប់ប្រភេទក្នុងការផលិតទំនិញផ្សេងៗរបស់ក្រុមហ៊ុនទាំងស្រុងនៅក្នុងឆ្នាំ២០២០ ។
ឥរិយាបថចុងក្រោយរបស់ Zara ជាស្លាកយីហោសម្លៀកបំពាក់ដ៏ល្បីដែលបង្កើតឡើងកាលពីឆ្នាំ១៩៧៥ និងមានទីតាំងស្ថិតនៅក្នុងតំបន់ ហ្គាលីស៊ីយ៉ា ប្រទេសអេស្ប៉ាញ ប្រកាសដល់បណ្តាអ្នកផ្គត់ផ្គង់ជាង១២០នាក់បំពេញតួនាទីស្វែងរកវត្ថុធាតុដើមក្នុងការផលិតដល់ក្រុមហ៊ុន ត្រូវបង្ហាញពីទិន្នន័យទាក់ទងនឹងកម្រិតជាតិពុលនៃវត្ថុធាតុដើមទាំងនោះឱ្យបានលម្អិតដោយចាប់ផ្តើមពីខែមីនា ឆ្នាំ២០១៣ តទៅ ដើម្បីឱ្យមានលក្ខណៈប្រាកដថា ផលិតផលគ្រប់ប្រភេទរបស់Zara និងស្លាកយីហោផ្សេងៗទៀតក្នុងសាខារបស់ក្រុមហ៊ុន អីុនឌីថេក នឹងក្លាយជាផលិតផលគ្មានជាតិពុល ។
លោកម៉ាទីន ហលស៊ីក ជាសហការីកែលំអដើម្បីលុបបំបាត់ជាតិពុលរបស់ក្រុមហ្គ្រីនភីសនិយាយថា ឥរិយាបថរបស់ក្រុមហ៊ុនចេញម៉ូដដ៏ធំក្នុងប្រទេសអេស្ប៉ាញ លើកនេះជាយន្តការបញ្ជាក់ថា មជ្ឈដ្ឋានម៉ូដសម្លៀកបំពាក់អាចមានចំណែកក្នុងការការពារបរិស្ថានមិនខុសពីឧស្សាហកម្មផ្សេងៗទៀតឡើយ ។ លើសពីនេះ គោលជំហរបស់Zara និង អីុនឌីថេក នៅតែជាកម្លាំងសម្ពាធទៅលើអ្នកផលិតសម្លៀកបំពាក់ស្លាកយីហោផ្សេងៗទៀត ត្រូវងាកមកប្រតិបត្តិតាម ។
ស្របពេលជាមួយគ្នានេះ លោកលី យីហ្វាង ជាព្រឹទ្ធបុរសរបស់ហ្គ្រីនភីស ប្រចាំនៅភូមិភាគអាស៊ីអាគ្នេយ៍បញ្ជាក់ថា មនុស្សមានសិទ្ធិនឹងបានដឹងពីការពិតថា តើទឹកទន្លេរបស់ពួកគេ ត្រូវបានលាយឡំដោយសារធាតុពុលអ្វីខ្លះ និងអ្នកប្រើប្រាស់គ្រប់រូបគួរដឹងថា សម្លៀកបំពាក់ដែលពួកគេប្រើប្រាស់ផលិតពីវត្ថុធាតុដើមដែលមានជាតិពុលណាមួយឬអត់ ។
ក្រៅពីស្លាកយីហោ Zara ជាសាខាមួយរបស់ក្រុមហ៊ុន អីុនឌីថេក ក៏ជាម្ចាស់ជំនួញសម្លៀកបំពាក់មានស្លាកយីហោជាច្រើនទៀត ដូចជា ម៉ាស់ស៊ីម៉ូ ឌុតទី ភូល អ៊ែន បៀ អយសូ៊ និងស្ត្រាឌីវែរៀសជាដើម ដោយស្លាកយីហោទាំងនោះបានបញ្ចេញផលិតផលសម្លៀកបំពាក់ថ្មីៗនៅក្នុងទីផ្សារច្រើនបំផុតក្នុងមួយឆ្នាំៗ ៕
ចែករំលែកព័តមាននេះ