រាជធានីភ្នំពេញ ៖ ក្រុមជួញដូរ និងប្រើប្រាស់គ្រឿងញៀន៥នាក់ មានម្នាក់អតីតជាប្រធានភូមិ កាលពីរសៀលថ្ងៃទី១៦ ខែមករា ឆ្នាំ២០១៨ ត្រូវបានសមត្ថកិច្ចខណ្ឌ៧មករា បញ្ជូនទៅកាន់សាលាដំបូងរាជាធានីភ្នំបពេញ ។
ជនសង្ស័យ ១.ឈ្មោះ កែវ ស៊ីផាន់ណាវី ភេទប្រុស អាយុ៣៩ឆ្នាំ ២.ឈ្មោះ ព្រហ្ម សារិន ភេទប្រុស អាយុ៥៨ឆ្នាំ អតីតប្រធានភូមិ ៣.ឈ្មោះ លី ឃៀង ហៅក្រញ៉ាញ់ ភេទប្រុស អាយុ២៩ឆ្នាំ ៤.ឈ្មោះ សូ ឧត្តម ភេទប្រុស អាយុ២៥ឆ្នាំ និង៥.ឈ្មោះ ឈរ ភីឡេង ភេទប្រុស អាយុ២៦ឆ្នាំ ជាមួយនោះសមត្ថកិច្ចធ្វើការដកថ្នាំញៀន និងឧបករណ៍ប្រើប្រាស់មួយចំនួន ។
ជនសង្ស័យត្រូវបានសមត្ថកិច្ចចុះបង្ក្រាបកាលពីថ្ងៃទី១៤ ខែមករា ឆ្នាំ២០១៨ នៅចំណុចផ្លូវលេខ០៧ សង្កាត់អូឫស្សី១ និងនៅច្រកជណ្តើផ្លូវឌឿងហែម ក្នុងសង្កាត់មនោរម្យ ខណ្ឌមករា រាជធានីភ្នំពេញ ។
ក្រោយពីឃាត់ខ្លួនជនសង្ស័យទាំង៥នាក់ ត្រូវសមត្ថកិច្ចកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ តាមនីតិវិធី ដែលសំណុំរឿងនេះ តំណាងអយ្យការអមសាលាដំបូងកំពុងធ្វើការសាកសួរ ។
ក្រោយពីសាកសួរហើយ ជនជាប់សង្ស័យម្នាក់អតីតជាប្រធានភូមិ ត្រូវបានតំណាងអយ្យការអនុញ្ញាតឲ្យទៅផ្ទះវិញ និងម្នាក់ទៀតពាក់ករណីប្រើប្រាស់គ្រឿងញៀនដែរ ត្រូវបានសម្រេចបញ្ជូនទៅដាក់មណ្ឌលបន្សាបគ្រឿងញៀន ចំណែក៣នាក់ បានចោទប្រកាន់ពីបទ.ជួញដូរគ្រឿងញៀន និងបញ្ជូនទៅឃុំខ្លួននៅពន្ធនាគារព្រៃស ជាបណ្តោះអាសន្ន ៕
ចែករំលែកព័តមាននេះ