ខេត្តកំពត ៖ ពិតជាសប្បុរសធម៌ដ៍ថ្លៃថ្លាមែន ដែលលោកឧត្តមសេនីយទោ ម៉ៅ ចន្ទ័មធុរិទ្ឋ ស្នងការខេត្ត និងលោកស្រី បានបរិច្ចាគជួយឧបត្ថម្ភដល់ជនក្រីក្រនៅក្នុងខេត្តដែលបានស្លាប់ដោយជំងឺ ឬដោយឧបទ្ទវហេតុផ្សេងៗ…
ខេត្តកំពត ៖ ពិតជាសប្បុរសធម៌ដ៍ថ្លៃថ្លាមែន ដែលលោកឧត្តមសេនីយទោ ម៉ៅ ចន្ទ័មធុរិទ្ឋ ស្នងការខេត្ត និងលោកស្រី បានបរិច្ចាគជួយឧបត្ថម្ភដល់ជនក្រីក្រនៅក្នុងខេត្តដែលបានស្លាប់ដោយជំងឺ ឬដោយឧបទ្ទវហេតុផ្សេងៗ គឺជួយជាក្ដារមឈូស និងអង្ក១បាវគួបផ្សំ និងថវិកាមួយចំនួនផង នាពេលកន្លងមក ។
ជាមួយគ្នានេះដែរ ជុំវិញការជួយឧបត្ថម្ភដល់គ្រួសារសពជនក្រីក្រ នៅព្រឹកថ្ងៃទី១៧ ខែមករា ឆ្នាំ២០១៨ នេះ លោកឧត្តមសេនីយ៍ទោ ស្នងការខេត្តបានចាត់បញ្ជាឲ្យមន្ត្រីនគរបាលក្រុមការងារក្រោមឱវាទ ក្នុងស្នងការខេត្ត បាននាំយកក្តារមឈូស និងអង្ក១បាវ ទម្ងន់៥០គីឡូក្រាម ជូនដល់សពជនក្រីក្រម្នាក់ឈ្មោះ ម៉ៅ សុផល ភេទស្រី អាយុ៥៣ឆ្នាំ នៅភូមិស្វាយធំ សង្កាត់ក្រាំងអំពិល ក្រុងកំពត ដែលបានទទួលមរណៈភាពកាលពីវេលាម៉ោង០៦និង៤៥នាទីល្ងាច ថ្ងៃទី១៦ ខែមករា ឆ្នាំ២០១៨ ដោយរោគាពាធ ។
ក្រុមការងាររបស់ស្នងការខេត្តបញ្ជាក់ប្រាប់អ្នកយកព័ត៌មានថា នេះជាលើកទី១០៤ហើយ ដែលលោកឧត្តមសេនីយ៍ស្នងការខេត្ត និងភរិយា បានជួយឧបត្ថម្ភដល់សពអតីតនគរបាល និងគ្រួសារប្រជាពលរដ្ឋ ដែលមានជីវភាពក្រីក្រនៅក្នុងខេត្តកំពត នាពេលកន្លងមកដោយមិនប្រកាន់ពណ៌សម្បុរ ជំនឿសាសនា និងនិន្នាការនយោបាយអ្វីនោះឡើយ ។
ដើម្បីតបស្នងនូវអំណោយដ៏ថ្លៃថ្លាខាងលើ ប្រជាពលរដ្ឋក្រុមគ្រួសារសពក៏បានថ្លែងអំណរគុណដ៏ជ្រាលជ្រៅបំផុតចំពោះលោកឧត្តមសេនីយស្នងការខេត្ត និងលោកស្រី សូមជួបតែពុទ្ធពរបួនប្រការគឺ អាយុៈ វណ្ណៈ សុខៈ និងពលៈ កុំបីឃ្លៀងឃ្លាតឡើយ ៕
ចែករំលែកព័តមាននេះ