ខេត្តព្រៃវែង ៖ ឆ្លងចរន្តអគ្គិសនីឆាបឆេះផ្ទះទាំងយប់អស់១ខ្នង និងទ្រព្យសម្បត្តិសរុប៧៤៨៩០០០០រៀល ។ ហេតុការណ៍នេះបានកើតឡើងនៅភូមិព្រៃស្នួល ឃុំគោខ្ទក ស្រុកកំពង់ត្របែក ខេត្តព្រៃវែង កាលពីវេលាម៉ោង១០នឹង៣០នាទីយប់ថ្ងៃទី១៦…
ខេត្តព្រៃវែង ៖ ឆ្លងចរន្តអគ្គិសនីឆាបឆេះផ្ទះទាំងយប់អស់១ខ្នង និងទ្រព្យសម្បត្តិសរុប៧៤៨៩០០០០រៀល ។ ហេតុការណ៍នេះបានកើតឡើងនៅភូមិព្រៃស្នួល ឃុំគោខ្ទក ស្រុកកំពង់ត្របែក ខេត្តព្រៃវែង កាលពីវេលាម៉ោង១០នឹង៣០នាទីយប់ថ្ងៃទី១៦ ខែមករា ឆ្នាំ២០១៨ ។
សមត្ថកិច្ចបានឲ្យដឹងថា ម្ចាស់ផ្ទះដែលត្រូវភ្លើងឆេះឈ្មោះ ខៀវ សូ ភេទស្រី អាយុ៦៧ឆ្នាំ រស់នៅជាមួយនឹងចៅតូចៗ៣នាក់ ។ រីឯផ្ទះដែលត្រូវភ្លើងឆេះមានទំហំ៨×៧ម៉ែត្រសរសរបេតុង សង់អំពីឈើប្រក់ក្បឿងជញ្ជាំងដែកឆេះខូចខាតទាំងស្រុង ។
ប្រភពដដែលនេះបានបញ្ជាក់ថា នៅយប់មុនពេលកើតហេតុនោះលោកយាយម្ចាស់ផ្ទះមិនស្រួលខ្លួនហើយក៏បាននាំចៅៗទាំង៣ទៅដេកនៅផ្ទះប្អូនដែលនៅក្បែគ្នានោះ ដោយបិទទ្វាផ្ទះចោលទើបពេលមានភ្លើងចាប់ឆាបឆេះដំបូងគ្មានអ្នកដឹងរហូតទាល់តែភ្លើងឆេះពេញបន្ទុកទើបមានអ្នកដឹងហើយក៏ផ្អើលឆោឡោ អ្នកខ្លះយកទឹកទៅជះពន្លត់ អ្នកខ្លះទូរស័ព្ទប្រាប់សមត្ថកិច្ចឱ្យយកឡានទឹកទៅជួយអន្តរាគមន៍ ប៉ុន្តែពេលឡានទឹកទៅដល់ផ្ទះទាំងមូលត្រូវភ្លើងលេបត្របាក់ទៅជាផេះអស់ទៅហើយ ឡានទឹកបានត្រឹមជួយបាញ់ទឹកទប់ស្កាត់ភ្លើងកុំឱ្យរាលដាលឆ្លងទៅផ្ទះអ្នកជិតខាងដែលនៅក្បែៗនោះប៉ុណ្ណោះ ។
ចំពោះករណីនេះសមត្ថកិច្ចបានសន្និដ្ឋានថា មូលហេតុបណ្តាលមកពីទុស្សេខ្សែភ្លើងកើតជាអណ្តាតភ្លើងឆាប់ឆេះផ្ទះហើយភ្លាមៗគ្មានអ្នកដឹងនេះគឺមកពីម្ចាស់ផ្ទះខ្លួនឯងខ្វះការប្រុងប្រយ័ត្នពេលចេញពីផ្ទះមិនបានត្រួតពិនិត្យឱ្យបានច្បាស់ថា តើនៅក្នុងផ្ទះមានអ្វីដែលអាចបង្កឱ្យកើតជាអគ្គីភ័យឬអត់ ទាំងធូបទានចង្កៀងភ្លើងជាដើម ៕
ចែករំលែកព័តមាននេះ