រាជធានីភ្នំពេញ ៖ ក្រុមជួញដូរ និងប្រើប្រាស់គ្រឿងញៀន៥នាក់ មានម្នាក់អតីតជាប្រធានភូមិ កាលពីរសៀលថ្ងៃទី១៦ មករា ២០១៨ ត្រូវបានសមត្ថកិច្ចនគបាលខណ្ឌ៧មករា បញ្ជូនទៅកាន់សាលាដំបូងរាជធានីភ្នំពេញ។ ជនសង្ស័យទី១.ឈ្មោះ កែវស៊ី ផាន់ណាវី ភេទប្រុស អាយុ៣៩ឆ្នាំ ទី២.ឈ្មោះ ព្រហ្ម សារិន ភេទប្រុស អាយុ៥៨ឆាំ អតីតប្រធានភូមិ ទី៣.ឈ្មោះ លី ឃៀង ហៅក្រញ៉ាញ់ ភេទប្រុស អាយុ២៩ឆ្នាំ ទី៤.ឈ្មោះ សូ ឧត្តម ភេទប្រុស អាយុ២៥ឆ្នាំ និង ទី៥.ឈ្មោះ ឈរ ភីឡេង ភេទប្រុស អាយុ២៦ឆ្នាំ ជាមួយនោះសមត្ថកិច្ចធ្វើការដកថ្នាំញៀន និងឧបករណ៍ប្រើប្រាស់មួយចំនួន។
ជនសង្ស័យត្រូវបានសមត្ថកិច្ចចុះបង្ក្រាបកាលពីថ្ងៃទី១៤ មករា នៅចំណុចផ្លូវលេខ០៧ សង្កាត់អូឫស្សី១ និងនៅច្រកជណ្តើរផ្លូវឌឿងហែម ក្នុងសង្កាត់មនោរម្យ ខណ្ឌមករា រាជធានីភ្នំពេញ។ ក្រោយពីឃាត់ខ្លួនជនសង្ស័យទាំង៥នាក់ ត្រូវសមត្ថកិច្ចកសាងសំណុំរឿង បញ្ជូនទៅកាន់សាលាដំបូងរាជធានីភ្នំពេញ តាមនីតិវិធី ដែលសំណុំរឿងនេះតំណាងអយ្យការ អមសាលាដំបូងកំពុងធ្វើការសាកសួរ៕
ចែករំលែកព័តមាននេះ