សហរដ្ឋអាមេរិក ៖ បងប្អូនប្រុសស្រី១៣នាក់ ក្នុងនោះមានកូនង៉ែតអាយុ២ឆ្នាំម្នាក់ផង មួយចំនួនជាប់ច្រវាក់ត្រូវចាប់បង្ខាំងទុកទាំងអត់ឃ្លាន ដោយឪពុកម្តាយរបស់ពួកគេផ្ទាល់ ក្នុងផ្ទះថ្មីមួយនៅរដ្ឋកាលីហ្វ័រនីញ៉ា ដែលរឿងនេះក្រោយពីប៉ូលិសរកឃើញញ៉ាំងឱ្យមានការក្តុកក្តួលនៅសហរដ្ឋអាេមរិក និងកន្លែងនានាទៀត ។…
សហរដ្ឋអាមេរិក ៖ បងប្អូនប្រុសស្រី១៣នាក់ ក្នុងនោះមានកូនង៉ែតអាយុ២ឆ្នាំម្នាក់ផង មួយចំនួនជាប់ច្រវាក់ត្រូវចាប់បង្ខាំងទុកទាំងអត់ឃ្លាន ដោយឪពុកម្តាយរបស់ពួកគេផ្ទាល់ ក្នុងផ្ទះថ្មីមួយនៅរដ្ឋកាលីហ្វ័រនីញ៉ា ដែលរឿងនេះក្រោយពីប៉ូលិសរកឃើញញ៉ាំងឱ្យមានការក្តុកក្តួលនៅសហរដ្ឋអាេមរិក និងកន្លែងនានាទៀត ។
ប៉ូលិសតំបន់ RIVERSIDE ដែលមានផ្ទះនេះនៅឯក្រុង PERRIS ភាគអាគ្នេយ៍ទីក្រុងឡូសអេនចឺឡេសរាយការណ៍កាលពីថ្ងៃទី១៥ មករា ថា ប្តីប្រពន្ធនេះត្រូវចាប់ឃុំឃាំងពីបទធ្វើទារុណកម្ម និងធ្វើឱ្យមានគ្រោះថ្នាក់ដល់កុមារ ហើយឱ្យបង់ប្រាក់ធានាក្នុងម្នាក់ៗ៩លានដុល្លារសម្រាប់ការផ្តល់សេរីភាពជាយថាហេតុ ។
ឪពុកឈ្មោះ DAVID TURPIN អាយុ៥៧ឆ្នាំ និងភរិយាលោកស្រី LOUISE អាយុ៤៩ឆ្នាំ មកទាល់ពេលនេះនៅពុំទាន់ពន្យល់ថាតើហេតុអីបានជាកូនៗពួកគេច្រើននាក់ត្រូវដាក់ច្រវាក់ជាប់នឹងគ្រែក្នុងទីងងឹត ដែលមានក្លិនស្អុយយ៉ាងនេះ ។ គឺកូនស្រីម្នាក់ដែលមានអាយុ១៧ឆ្នាំ ដែលជាអ្នកបញ្ចប់សុបិនអាក្រក់របស់បងប្អូនគេ ។ នាងអាចរត់គេចខ្លួនរួច ហើយនាព្រឹកថ្ងៃទី១៤ មករា ទូរស័ព្ទប្តឹងប៉ូលិស ។ ក្មេងស្រីជំទង់រូបនេះ ដែលមានរាងកាយស្គមស្គាំងអះអាងថា បងប្អូនប្រុសស្រីរបស់នាង១២នាក់ត្រូវឃុំឃាំងខាងក្នុងផ្ទះ ដោយឪពុកម្តាយពួកគេ ហើយប៉ូលិសបញ្ជាក់ថា កូនមួយចំនួនត្រូវចងដោយច្រវាក់ និងចាក់ដោយសោត្រដោក ។
ពេលមកដល់ផ្ទះនេះ ដំបូងប៉ូលិសគិតថា ឃើញតែមនុស្ស១២នាក់ដែលអត់ឃ្លាន និងខ្លួនប្រាណកខ្វក់បំផុត និងគិតថា ពួកគេទាំងអស់សុទ្ធតែជាអនីតិជន ក៏ប៉ុន្តែក្រោយមកទើបដឹងថា ក្នុងចំណោមពួកគេមានមនុស្សពេញវ័យ៧នាក់មានអាយុចាប់ពី១៨ទៅ២៩ឆ្នាំ ។ កូនតូចជាងគេបំផុតមានអាយុ២ឆ្នាំ ។
ការស៊ើបអង្កេតមួយត្រូវបានបើកធ្វើ ។ DAVID TURPIN ត្រូវគេនិយាយថា ជានាយកសាលាឯកជនមួយនៅក្រុង PERRIS ។ តាមកាសែត LOS ANGELES TIMES ថាប្តីប្រពន្ធនេះ រស់នៅក្នុងផ្ទះនោះចាប់តាំងពីឆ្នាំ២០១០មក ពីមុនពួកគេរស់នៅរដ្ឋតិចសាស់។ ពួកគេរកស៊ីខាត២ដង ៕
ចែករំលែកព័តមាននេះ