ក្រុមអ្នកស្រាវជ្រាវនិយាយថា ការឈានដល់តម្រេកក្នុងពេលរួមភេទមិនត្រឹមតែធ្វើឱ្យអ្នកមានសុខភាពល្អទប់ស្កាត់បានជំងឺប៉ុណ្ណោះទេ ប៉ុន្តែថែមទាំងធ្វើឱ្យអ្នកមើលទៅក្មេងជាងវ័យទៀតផង ។ ពួកគេបានបញ្ជាក់ថា កាមតម្រេកបង្កើតបានជាប្រតិកម្មគីមីតាមធម្មជាតិមួយដែលធ្វើឱ្យកាន់តែប្រសើរនូវសុខភាព និងសុខុមាលភាពជាជាងការប្រើថ្នាំពេទ្យ ។ ការមានកាមតម្រេកបានបង្ហាញឱ្យឃើញនូវការយកឈ្នះភាពតានតឹងនិងតប់ប្រមល់ក្នុងចិត្ត បន្ថយការឈឺចាប់ព្រមទាំងកាត់បន្ថយបាននូវហានីភ័យដោយជំងឺមហារីកដោះនិងក្រពេញប្រូស្តាត ។ នេះបើយោងតាមការអះអាងដោយកាសែត The Sun ។
យោងតាមវេជ្ជបណ្ឌិត Mervyn Pattersonឯកទេសខាងព្យាបាលជំងឺស្បែកឱ្យដឹងថា កាមតម្រេកបានបង្កើននូវលំហូរឈាមទៅកាន់ស្បែកដោយការជួយដាស់ប្រព័ន្ធប្រសាទ Parasympathetic ធ្វើឱ្យបណ្តាសរសៃឈាមក្នុងស្បែកបើកធំ បង្កើតបានភាពក្រហមស្រស់បំព្រង ។ ក្នុងដំណាក់កាលនេះ រាងកាយបានបញ្ចេញនូវ DHEA (អ័រម៉ូនស្តេរ៉ូអុីដប្រឆាំងភាពចាស់ទៅតាមអាយុ)យ៉ាងច្រើនសន្ធឹកសន្ធាប់ដែលធ្វើឱ្យអ្នកមើលទៅក្មេងជាងវ័យ ។ ការឈានដល់កាមតម្រេកក៏អាចជួយការពារជំងឺបេះដូងផងដែរ ។
វេជ្ជបណ្ឌិត Lisa Turner គ្រូបង្ហាត់កាមតម្រេកដំបូងគេរបស់អង់គ្លេសនិយាយថា៖«ប្រសិនជាអ្នកមិនចង់ឱ្យមានជំងឺគាំងបេះដូងទេ អ្នកត្រូវតែមានកាមតម្រេក ។
ការសិក្សាមួយនៅប្រទេសអុីស្រាអែលបានរកឃើញថា ស្ត្រីដែលមានកាមតម្រេកតិចតួចជួបអត្រាគ្រោះថ្នាក់ដោយជំងឺបេះដូងខ្ពស់ ផ្ទុយមកវិញស្ត្រីមានកម្រេកខ្ពស់ អត្រាគ្រោះថ្នាក់ដោយជំងឺនេះមានទាប »។ ដោយឡែកសម្រាប់បុរសវិញ ក្នុងខណៈដែលទឹកកាមត្រូវបានបាញ់ចេញនៅពេលឈានដល់កាមតម្រេក ក្រពេញប្រូស្តាតរបស់គេត្រូវបានសំអាតយ៉ាងស្អាត ។ និយាយជារួម ការរួមភេទទៀងទាត់ចំពោះបុរសគឺពិតជាសំខាន់ ដ្បិតវានឹងជួយទប់ស្កាត់មហារីកប្រូស្តាតនៅពេលក្រោយក្នុងជីវិត ។
Ashley Grossmanសាស្ត្រាចារ្យមកពីសាកលវិទ្យាល័យ University of Oxford បាននិយាយថា អំឡុងការឈានដល់កាមតម្រេក ខួរក្បាលបានបញ្ចេញនូវល្បាយ Endorphin(សារធាតុគីមីបញ្ចេញដោយខួរក្បាលដើម្បីកាត់បន្ថយការឈឺចាប់ និងជួយឱ្យអ្នកមានថាមពល) រួមនឹង serotonin(សារធាតុគីមីដែលជួយឱ្យអ្នកធូរអារម្មណ៍និងរីករាយ) ។ បន្ថែមពីលើនេះទៀត Prolactin ជាអ័រម៉ូនប៉ិបទីតដែលជួយឱ្យយើងចុះត្រជាក់ និងស្ងប់ក៏ត្រូវបានបញ្ចេញមកដែរ ៕
ចែករំលែកព័តមាននេះ