ខេត្តតាកែវ ៖ នៅព្រឹកថ្ងៃទី១៥ ខែមករា ឆ្នាំ២០១៨ មន្ត្រីជំនាញកាំកុងត្រូលខេត្តតាកែវដែលដឹកនាំដោយលោក ប៉ោ លាងគង់ ជាប្រធានសហការជាមួយនឹងមន្ទីរពាណិជ្ជកម្មខេត្ត និងមន្ត្រីសមត្ថកិច្ចប្រចាំផ្សារតាកែវបានចុះត្រួតពិនិត្យទំនិញជាគ្រឿងកំប៉ុង និងម្សៅទឹកដោះគោម៉ាក Milumel Picot និងម៉ាក Picot Pepti-Junior និងបានធ្វើតេស្តបឋមទៅលើប្រភេទគុយទាវបាញ់កាញ់ ប្រហុក សណ្តែកបណ្តុះ បន្លែខ្ញី តៅតួរ ប្រហិតសាច់គោ ប្រហិតសាច់ត្រី ស្តរត្នោត អំបិលអ៊ីយ៉ូត នៅក្នុងផ្សារតាកែវដែលស្ថិតនៅទីរួមខេត្តតាកែវ ។
លោក ប៉ោ លាងគង់ ដែលបានដឹកនាំមន្ត្រីជំនាញចុះត្រួតពិនិត្យនេះបានឲ្យដឹងថា ជាលទ្ធផលបន្ទាប់ពីមន្ត្រីជំនាញកាំកុងត្រូលបានត្រួតពិនិត្យ និងធ្វើតេស្តបឋមទៅទំនិញជាម្ហូបអាហារក្នុងនោះគឺយើងបានរកឃើញមានតែស្ករត្នោតដែលមានដាក់សារធាតុគីមីសូដ្យូមអ៊ីដ្រូសូវីត ដោយឡែកចំពោះគ្រឿងកំប៉ុងវិញគឺរកឃើញនូវម្សៅទឹកដោះគោមួយចំនួនផងដែរ ៕
ចែករំលែកព័តមាននេះ