ខណៈពេលភាគខាងកើតសហរដ្ឋអាមេរិកកំពុងទទួលរងព្យុះព្រិលដ៏ធ្ងន់នោះ ក៏មានដែនដីផ្សេងទៀតនៅលើលោកដែលមិនធ្លាប់ជួបនឹងអាកាសធាតុត្រជាក់ពីមុន ដូចជានៅវាលខ្សាច់សាហារ៉ាក៏ជួបនឹងព្រិលគ្របដណ្ដប់នៅលើវាលខ្សាច់ ដោយកន្លែងខ្លះព្រិលមានកម្រាស់ដល់ទៅ ៤០សង្ទីម៉ែត្រ គឺជាព្រិលដែលមិនសូវបង្ហាញញឹកញាប់នៅលើវាលខ្សាច់នេះ ។ ជាក់ស្ដែងនៅក្រុង «Ain Sefra»…
ខណៈពេលភាគខាងកើតសហរដ្ឋអាមេរិកកំពុងទទួលរងព្យុះព្រិលដ៏ធ្ងន់នោះ ក៏មានដែនដីផ្សេងទៀតនៅលើលោកដែលមិនធ្លាប់ជួបនឹងអាកាសធាតុត្រជាក់ពីមុន ដូចជានៅវាលខ្សាច់សាហារ៉ាក៏ជួបនឹងព្រិលគ្របដណ្ដប់នៅលើវាលខ្សាច់ ដោយកន្លែងខ្លះព្រិលមានកម្រាស់ដល់ទៅ ៤០សង្ទីម៉ែត្រ គឺជាព្រិលដែលមិនសូវបង្ហាញញឹកញាប់នៅលើវាលខ្សាច់នេះ ។
ជាក់ស្ដែងនៅក្រុង «Ain Sefra» ប្រទេសអាល់ហ្សេរីស្ថិតនៅក្បែរវាលខ្សាច់សាហារ៉ាមានឈ្មោះថាជាច្រកទ្វារទៅដើរកម្សាន្តនៅវាលខ្សាច់ដែលមិនធ្លាប់មានព្រិលធ្លាក់រយៈពេលយូរជិត៤០ឆ្នាំ ក៏កើតមានបាតុភូតព្រិលធ្លាក់លើកដំបូងកាលពីឆ្នាំ២០១៧ និងក្នុងឆ្នាំនេះគឺជាឆ្នាំទី២ ដែលមានព្រិលធ្លាក់ ។ កាលពីឆ្នាំ១៩៧៩ ក៏ធ្លាប់មានព្រិលធ្លាក់នៅប្រទេសអាល់ហ្សេរីម្ដងដែរ ប៉ុន្តែកើតឡើងតែរយៈពេល ៣០នាទីប៉ុណ្ណោះ ។
របាយការណ៍បញ្ជាក់ថានៅតំបន់វាលខ្សាច់សាហារ៉ា មានសីតុណ្ហភាពមធ្យមក្នុងរដូវក្ដៅប្រហែល១០០ អង្សាសេ ប៉ុន្តែរដូវរងានឹងមានអាកាសធាតុត្រជាក់ ពិសេសនៅពេលយប់ត្រជាក់បំផុតដូចគ្នានៅលើវាលខ្សាច់ទូទៅ ហើយនៅខែធ្នូនឹងមានសីតុណ្ហភាពមធ្យមប្រហែល៥០អង្សាសេ ។
ស្ថានភាពអាកាសធាតុដ៏អាក្រក់ទាំងនេះមិនមែនកើតឡើងតែនៅអាមេរិក ឬវាលខ្សាច់សាហារ៉ាទេ ក៏នៅមានទីក្រុងជាច្រើនទៀតមានអាកាសធាតុអាក្រក់កើតឡើង ដូចជាក្រុងស៊ីដនី ប្រទេសអូស្ត្រាលី មានសីតុណ្ហភាពក្ដៅខ្លាំងឡើងដល់៤៧,៣ អង្សាសេ ក្ដៅបំផុតក្នុងអំឡុងពេល៧៩ឆ្នាំ ៕
ចែករំលែកព័តមាននេះ