ខេត្តកោះកុង ៖ ស្ទើរតែពេញមួយយប់ទល់ភ្លឺថ្ងៃសៅរ៍ទី១៣ ឈានចូលថ្ងៃទី១៤ ខែមករា ឆ្នាំ២០១៨ កម្លាំងសមត្ថកិច្ចគយចល័តតំបន់ប្រចាំផ្លូវជាតិលេខ៤ និងគយខេត្តកោះកុងគ្រប់ស្នាក់ការ រួមទាំងកម្លាំងកងរាជអាវុធហត្ថជាច្រើននាក់ទៀត បានប្រើអូប័រប្រដេញចុះឡោមព័ទ្ធទូកយន្ត…
ខេត្តកោះកុង ៖ ស្ទើរតែពេញមួយយប់ទល់ភ្លឺថ្ងៃសៅរ៍ទី១៣ ឈានចូលថ្ងៃទី១៤ ខែមករា ឆ្នាំ២០១៨ កម្លាំងសមត្ថកិច្ចគយចល័តតំបន់ប្រចាំផ្លូវជាតិលេខ៤ និងគយខេត្តកោះកុងគ្រប់ស្នាក់ការ រួមទាំងកម្លាំងកងរាជអាវុធហត្ថជាច្រើននាក់ទៀត បានប្រើអូប័រប្រដេញចុះឡោមព័ទ្ធទូកយន្ត មួយគ្រឿងដែលបាននឹងកំពុងធ្វើសកម្មភាពដឹករថយន្តស៊េរីទំនើបផលិតឆ្នាំ២០១៨ ម៉ាកLEXUS 570 គេចពន្ធចំនួន២គ្រឿង ចេញពីប្រទេសថៃចូលមកក្នុងដៃសមុទ្រមួយត្រង់ចំណុចភូមិតាចាត ឃុំទួលគគី ស្រុកមណ្ឌលសីមា ខេត្តកោះកុង ។
មន្ត្រីគយកោះកុងម្នាក់សុំមិនបញ្ចេញឈ្មោះបានប្រាប់ថា ការចុះស្ទាក់ចាប់រថយន្តទំនើបនេះ គឺបានទទួលបញ្ជាផ្ទាល់តាមប្រព័ន្ធតេឡេក្រាម ពីលោកអគ្គនាយក និងរដ្ឋាករកម្ពុជាតែម្តង ។
ដឹកនាំដោយលោក កែវ អង្កាម ប្រធានស្នាក់ការគយចល័តតំបន់ទទួលបន្ទុកផ្លូវជាតិលេខ៤ ។ ប្រភពដដែលបញ្ជាក់ទៀតថា ការតាមប្រមាញ់នេះទទួលបានលទ្ធផលដូច ការរំពឹងទុកមែន នៅវេលារំលងអធ្រាត្រកម្លាំងសមត្ថកិច្ចគយ ក៏បានប្រទះឃើញទូកយន្តដឹករថយន្តទំនើបនោះចូលមកដល់គោលដៅដែលបានកំណត់ទុកមែន ប៉ុន្តែអ្វីដែលគួរឲ្យសោកស្តាយបំផុតនោះ គឺពេលដែលអូប័រសមត្ថកិច្ចគយចូលទៅជិតដល់ទូកយន្តខាងលើ ក៏លឺសម្លេងស្រែកគំរាមចេញពីក្នុងទូកយន្តនោះខ្លាំងៗថា បើពួកឯងហ៊ានចូលមកអញនឹងបាញ់ ។ ដោយយប់ងងឹតផងហើយអូប័រយើងក៏តូចទៀត (៤០ សេស) ក៏សម្រេចចិត្តឈប់ស្ងៀម ហើយពេលនោះទូកយន្តខាងលើ ក៏បានបើកចេញទៅក្នុងលំហសមុទ្រវិញបាត់ទៅហើយ កម្លាំងសមត្ថកិច្ចគយក៏ត្រូវដកឡើងលើគោកអស់វិញដែរ ។
រឿងនាំរថយន្តទំនើបគេចពន្ធ ពេលនតាមទាន់មានរឿងយ៉ាងណាទៀតនោះចឹងផ្សាយជូនខាងលើទំព័រសារព័ត៌មានកោះសន្តិភាព ៕
ចែករំលែកព័តមាននេះ