ចិន ៖ តាមប្រភពព័ត៌មាន Oddity Central បានឲ្យដឹងថា ស្ត្រីកូនមួយអាយុ៤១ឆ្នាំម្នាក់ មានការភ្ញាក់ផ្អើលយ៉ាងខ្លាំងក្រោយដឹងថា ប្រុសក្មេងរបស់ខ្លួនដែលស្រឡាញ់គ្នាជិតពីរឆ្នាំទៅហើយ គឺជាស្រី។…
ចិន ៖ តាមប្រភពព័ត៌មាន Oddity Central បានឲ្យដឹងថា ស្ត្រីកូនមួយអាយុ៤១ឆ្នាំម្នាក់ មានការភ្ញាក់ផ្អើលយ៉ាងខ្លាំងក្រោយដឹងថា ប្រុសក្មេងរបស់ខ្លួនដែលស្រឡាញ់គ្នាជិតពីរឆ្នាំទៅហើយ គឺជាស្រី។
Wang Qi ដែលរស់នៅក្នុងខេត្ត Zhejiang ប្រទេសចិន បានស្គាល់គ្នាជាមួយប្រុសម្នាក់ (តាមពិតជាស្រី) ឈ្មោះ Qian តាមបណ្តាញសង្គមកាលពីឆ្នាំ២០១៦។ Qian បានសុំស្រឡាញ់នាង តែនាងមិនហ៊ានទទួលយកភ្លាមនោះទេ ព្រោះនាងមានអាយុចាស់ជាង ហើយមានកូនមួយស្រាប់ទៅហើយ។ តែខាងប្រុស (ស្រី) ចេះតែបង្ហាញពីទឹកចិត្តស្រឡាញ់ដល់នាងកាន់តែច្រើនឡើងៗ រហូតទាល់តែនាងព្រម។ ស្រីបន្លំធ្វើប្រុសម្នាក់នោះ បាននាំ Wang ទៅជួបឪពុកម្តាយរបស់ខ្លួន។ ពួកគេបានរស់នៅជាមួយគ្នា រួមគ្រែតែមួយ តែមិនរួមភេទ ដោយស្រីបន្លំធ្វើប្រុសនោះថា ចាំរៀបការហើយ។
ដល់បានមួយឆ្នាំជាង Qian បានបាត់ខ្លួន។ Wang ភ័យណាស់ពេលបាត់ខ្លួនគូស្នេហ៍បែបនេះ។ ការភ័យនេះ មិនមែនមកពីស្រឡាញ់ខ្លាំងនោះទេ។ វាមកពីខាងស្រីស្តាយលុយជិត៥ម៉ឺនដុល្លារដែលខ្លួនចំណាយឲ្យប្រុសក្មេង។
ក្រោយពេលធ្វើការស្រាវជ្រាវរួចមក Wang រកឃើញថា Qian តាមពិតគឺជាស្រី។ សូម្បីតែម្តាយឪពុករបស់គេ ក៏ប្រាប់ថា ជាស្រីដែរ។ លុយក៏ត្រូវបាត់បង់ ស្នេហាក៏ត្រូវបែកបាក់ ដោយសារតែមិនបានស្វែងយល់គ្នាឲ្យច្បាស់៕
ចែករំលែកព័តមាននេះ