ការសិក្សាស្រាវជ្រាវថ្មីមួយនិយាយថា ការផឹកស្រា១ឬ២កែវក្នុងមួយសប្តាហ៍អំឡុងពេលមានផ្ទៃពោះអាចធ្វើឱ្យប៉ះពាល់ដល់ភាពវៃឆ្លាតរបស់ក្មេង ។ អំឡុងការពិសោធ ក្រុមអ្នកស្រាវជ្រាវមកពីសាកលវិទ្យាល័យ Oxford និង Bristolបានពិនិត្យមើលពិន្ទុ IQរបស់ក្មេងៗប្រមាណ ៤ពាន់នាក់ ព្រមទាំងបានកត់ត្រាពីបរិមាណជាតិស្រវឹងដែលម្តាយរបស់ពួកគេផឹកផងដែរ ។ ជាលទ្ធផលពួក
ការសិក្សាស្រាវជ្រាវថ្មីមួយនិយាយថា ការផឹកស្រា១ឬ២កែវក្នុងមួយសប្តាហ៍អំឡុងពេលមានផ្ទៃពោះអាចធ្វើឱ្យប៉ះពាល់ដល់ភាពវៃឆ្លាតរបស់ក្មេង ។ អំឡុងការពិសោធ ក្រុមអ្នកស្រាវជ្រាវមកពីសាកលវិទ្យាល័យ Oxford និង Bristolបានពិនិត្យមើលពិន្ទុ IQរបស់ក្មេងៗប្រមាណ ៤ពាន់នាក់ ព្រមទាំងបានកត់ត្រាពីបរិមាណជាតិស្រវឹងដែលម្តាយរបស់ពួកគេផឹកផងដែរ ។ ជាលទ្ធផលពួកគេរកឃើញថា ស្ត្រីជាម្តាយកំពុងមានគភ៌ផឹកជាមធ្យមពី១ទៅ៦ units(ឯកតារង្វាស់ជាតិស្រវឹង)ក្នុង១សប្តាហ៍គឺពិតជាធ្វើឱ្យប៉ះពាល់ដល់ភាពវៃឆ្លាតរបស់ក្មេង ។
ទោះជាយ៉ាងណាក្តី ក្រុមអ្នកជំនាញនិយាយថា ផលប៉ះពាល់នេះមិនច្រើនទេ ប៉ុន្តែទន្ទឹមនឹងនេះ គេត្រូវតែជំរុញដោយខានមិនបានក្នុងការជៀសវាងប្រើគ្រឿងស្រវឹងពេលមានផ្ទៃពោះ ។ ការសិក្សាពីលើកមុនដែលបានបង្កើតភស្តុតាងមិនប្រាកដប្រជា និងនាំឱ្យមានការភាន់ច្រឡំទៅលើបញ្ហាផឹកស្រាពីកម្រិតទាបដល់មធ្យមធ្វើឱ្យគ្រោះថ្នាក់ដល់ស្ត្រីមានផ្ទៃពោះនោះ ក៏ព្រោះវាពិបាកក្នុងការបែងចែកឱ្យដាច់នូវកត្តាផ្សេងៗក្នុងនោះមានដូចជា អាយុម្តាយ និងការអប់រំជាដើម ។
ផ្ទុយគ្នាស្រឡះ ការសិក្សាស្រាវជ្រាវលើកនេះមិនបានផ្អែកលើកត្តាទាំងនោះទេ ។សម្រាប់លើកនេះគេបានពិនិត្យមើលលើការផ្លាស់ប្តូរហ្សែនដែលមិនជាប់ពាក់ព័ន្ធទៅនឹងបែបបទនៃការរស់នៅ ឬបញ្ហាសង្គមនោះទេ ។ បម្រែបម្រួលហ្សែនរំលាយជាតិស្រវឹង៤ប្រភេទរបស់កុមារ និងម្តាយរបស់ពួកគេជាប់ទាក់ទងគ្នាយ៉ាងស្អិតរមួតនៃការធ្វើឱ្យចុះទាប IQរបស់ក្មេងនៅពេលមានអាយុ៨ឆ្នាំ ។ ជាមធ្យម IQរបស់ក្មេងម្នាក់គឺទាបជាងជិត២ពិន្ទុក្នុងដំណើរការផ្លាស់ប្តូរហ្សែនមួយលើកដែលគេមាន ។ ឮ
វេជ្ជបណ្ឌិត Ron Grayមកពីសាកលវិទ្យាល័យ Oxford Universityដែលជាអ្នកដឹកនាំការស្រាវជ្រាវបាននិយាយថា ថ្វីបើការខុសប្លែកគ្នាតូចតាចក្តី ប៉ុន្តែវាអាចជារឿងសំខាន់ដែលថា IQទាប បង្ហាញពីការជាប់ពាក់ព័ន្ធគ្នាទៅនឹងការធ្វើឱ្យខូចប្រយោជន៍ សុខភាពចុះខ្សោយទៅៗហើយទីបំផុតស្លាប់ទាំងនៅវ័យក្មេង ។លោកបានបន្ថែមថា ៖«វាអាស្រ័យលើស្ត្រីខ្លួនឯងដែលត្រូវសម្រេចចិត្តថាត្រូវផឹកស្រា ឬមិនផឹកអំឡុងខ្លួនកំពុងមានផ្ទៃពោះ ។ យើងគ្រាន់តែចង់ផ្តល់ជូនជាភស្តុតាងប៉ុណ្ណោះ »៕
ចែករំលែកព័តមាននេះ