ប្រសិនជាអ្នកគិតថា វាពិតជាមានការឈឺចាប់នៅពេលនិយាយដល់ការលុបបំបាត់រោមដែលគួរឱ្យធុញទ្រាន់នៅលើរាងកាយ នោះមានន័យថា អ្នកនៅពុំទាន់បានដឹងអំពីវិធីសាស្ត្រធម្មជាតិនៅឡើយទេ ។ ពិតណាស់រោមខ្លីទន់មិនផ្តល់ការរំខានខ្លាំងទេ ប៉ុន្តែរោមរឹងនិងវែងខ្លាំងគឺពិតជាធ្វើឱ្យអ្នកបាត់បង់ភាពជឿជាក់ ។
ប្រសិនជាអ្នកគិតថា វាពិតជាមានការឈឺចាប់នៅពេលនិយាយដល់ការលុបបំបាត់រោមដែលគួរឱ្យធុញទ្រាន់នៅលើរាងកាយ នោះមានន័យថា អ្នកនៅពុំទាន់បានដឹងអំពីវិធីសាស្ត្រធម្មជាតិនៅឡើយទេ ។ ពិតណាស់រោមខ្លីទន់មិនផ្តល់ការរំខានខ្លាំងទេ ប៉ុន្តែរោមរឹងនិងវែងខ្លាំងគឺពិតជាធ្វើឱ្យអ្នកបាត់បង់ភាពជឿជាក់ ។
រោមវែងៗចាប់ដុះមុនគេនៅលើរាងកាយស្ត្រីគឺស្ថិតនៅខាងក្រោមផ្សិតលើប្រដាប់ភេទ ។ បន្ទាប់មកដុះព័ទ្ធនៅលើផ្ទៃមុខ ក ដើមទ្រូង ខ្នង ម្រាមជើងនិងដៃ ។ ភាគច្រើនកើតមានទៅលើស្ត្រីវ័យចាប់ទី១៨ទៅ៤៥ឆ្នាំ ។ លក្ខខណ្ឌបែបនេះ តាមវិទ្យាសាស្ត្រ គេឱ្យឈ្មោះថា Hirsutism ។ មូលហេតុដែលនាំឱ្យដុះរោមវែងយ៉ាងនេះ ក៏ព្រោះកម្រិតអ័រម៉ូនភេទឈ្មោលក្នុងឈាម ( Androgens)កើនឡើង ។ ស្ត្រីទាំងអស់សុទ្ធតែផលិត Androgens ប៉ុន្តែបើកម្រិតផលិតនោះកើនខ្ពស់ នោះនឹងអាចនាំទៅរកលក្ខខណ្ឌវេជ្ជសាស្ត្រ Hirsutism ។
នេះជាវិធីសាស្ត្រតាមបែបធម្មជាតិមួយចំនួន បើទោះណាវាមិនមែនជាដំណោះស្រាយអចិន្ត្រៃយ៍ក្តី តែវាជួយកាត់បន្ថយការដុះរោមបាន ៖
១- ផឹកតែជីអង្កាម២ដងក្នុងមួយថ្ងៃនិងរយៈពេល៥ថ្ងៃក្នុងមួយសប្តាហ៍អាចបន្ថយកម្រិតអ័រម៉ូនភេទឈ្មោល ។
២- សម្រាប់ការបំបាត់រោមលើមុខ អ្នកជំនាញ Shahnaaz Hussainបានស្នើឡើងថា យើងលាយស្ករស៣០ក្រាមជាមួយទឹកក្រូចឆ្មារដែលទើបច្របាច់១០មីល្លីលីត្រក្នុងទឹកចំណុះ ១៥០មីល្លីលីត្រ ។ កូរវាឱ្យសព្វ បន្ទាប់មកលាបលើមុខចំកន្លែងដែលរោមដុះ។ បន្ទាប់ពីទុករយៈពេល១៥នាទី លាងសំអាតជាមួយទឹកត្រជាក់ដោយដួសថ្នមៗ ។ ចូរធ្វើបែបនេះឱ្យបានម្តងក្នុងមួយសប្តាហ៍ ។
៣- វិធីសាស្ត្រមួយផ្សេងទៀតគឺ ប្រើក្រូចឆ្មារនិងទឹកឃ្មុំ ។ ច្របាច់ក្រូចឆ្មារយកទឹកឱ្យបាន១០មីល្លីលីត្រ លាយជាមួយទឹកឃ្មុំ៤០មីល្លីលីត្រ។ យកសំឡីកប្បាសជ្រលក់ជូតចំកន្លែងដែលរោមដុះ ។ លាងចេញបន្ទាប់ពីទុក១៥នាទី ។ ចូរធ្វើបែបនេះឱ្យបាន២ដងក្នុង១សប្តាហ៍រយៈពេលកន្លះខែ ។
Vandana Chatrath វេជ្ជបណ្ឌិតជំងឺស្បែកនៅក្រុងញូវដេលីបាននិយាយថា ស្ត្រីចាំបាច់ត្រូវតែផ្លាស់ប្តូរបែបបទនៃការរស់នៅរបស់ពួកគេដើម្បីយកឈ្នះលើអតុល្យភាពអ័រម៉ូន ។ លោកស្រីបានបន្តថា៖«វាសំខាន់ណាស់ដែលត្រូវផ្លាស់ប្តូរបែបបទនៃការស់នៅ ។
ការចាប់យកទម្លាប់ទទួលទានប្រកបដោយសុខភាព និងហាត់ប្រាណឱ្យបានទៀងទាត់ពិតជាអាចប្រឆាំងនឹងបញ្ហាអតុល្យភាពអ័រម៉ូនបាន ។ ចំណែកការចុះទម្ងន់ក៏អាចជួយបានដែរ ។ ស្ត្រីដែលជួបបញ្ហាដូចខាងដើមគួរតែជៀសវាងទទួលទានអាហារសំបូរដោយខ្លាញ់និងពពួកអាហារដែលធ្វើឱ្យជាតិស្ករក្នុងឈាមឡើងលឿន»៕
ចែករំលែកព័តមាននេះ